情境演講二步七: 實戰篇 | 誠品線上

情境演講二步七: 實戰篇

內容簡介

內容簡介 這套冊有分《方法篇》佮《實戰篇》二本。編寫這套冊是為著學生的台語演講，欲訓練學生對「看圖演講」進步到「文字提示演講」，落尾希望𪜶攏有才調做「即席演講」。其實，嘛予家長佮指導老師有參考的文本，知影訓練的步數。閣較要緊的是希望所有的臺灣人攏會當通過台語認證。所致，對想欲參加「台語認證」的有志，這套冊嘛藏真濟成功的撇步佇內底，若讀予熟，保證予你功力加倍，一下無細膩就通過認證矣！ 自114年起本土語文情境式演說，臺灣台語及臺灣客語題目調整為文字題。這本實戰篇內容從看圖演講到文字題演講，訓練學生台語情境式演講比賽的試講臨場感與評判提問的答題技巧。

作者介紹

作者介紹 作者-劉明新(Lâu Bîng-sin)臺灣臺東人，台語文工作者。 筆者一向關心臺灣，追求公義，無意仕途。在戒嚴時期即投入母語運動，先後學過教羅白話字、臺灣閩南語音標系統TLPA、林繼雄台語現代文書法、通用拼音和臺羅拼音。 曾擔任師資認證口試委員、臺北縣母語教材編輯委員，並一直擔任台語文演講及認證指導講師。現為「教育部閩南語卡通、動畫字幕製作及配音工作計畫」審聽、及「公視台語台新聞部」台語顧問。 編著有《台語演講三五步》一書，由前衛出版社出版，31 萬餘字，2019.06 出版、2021.12 增訂版一刷、2023.08 增訂版二刷。繪者-黃孟玲(Ng Bīng-lîng )● 蕭如松藝術園區藝術總監● 新竹縣峨嵋國中美術老師● 玄奘大學樂齡資源教育中心生命故事繪本講師● 《 電腦與資訊》教育書籍插畫設計● 清華大學《不可思議的華語》教育書籍插畫設計● 《 逆轉- 高齡族健康筆記》插畫設計● 2019 油畫作品《我相信》

產品目錄

產品目錄 壹、 看圖演講1. 四格塗演練...................................10一、 演講的結構 .............................10二、 演講的技巧 .............................11三、 啥人咧講故事？ .........................12四、 四格圖範例 .............................14貳、 文字題演講2. 文字提示演練 ...............................236

商品規格

試閱文字

自序 : 話頭
　 教育部公布的「情境式演講」包括「看圖演講」佮「文字提示演講」。論真，任何方式的演講攏是「情境演講」，因為攏需要共主題講甲有情境、有畫面，予人充分理解佮感動。所以佇演講的過程裡，演講者攏著用心描述各種情境，定著愛用形容、比喻、對話、表演抑是講古的方式，來論述主題，盡量共內容講甲活跳跳、有畫面。
　　是按怎這套冊的冊名欲號做《情境演講二步七》咧？其實就是對口語「二步七仔」的意思來的，會當解說做「這本冊喔，無偌𠢕啦，干焦二步七仔爾！」嘛會當解說做「毋成猴喔，閣有二步七仔！」
　　這套冊有分《方法篇》佮《實戰篇》二本。編寫這套冊是為著學生的台語演講，欲訓練學生對「看圖演講」進步到「文字提示演講」，落尾希望𪜶攏有才調做「即席演講」。其實，嘛予家長佮指導老師有參考的文本，知影訓練的步數。閣較要緊的是對「復振台語」有真深的寄望，希望所有的臺灣人攏會當通過台語認證。所致，對想欲參加「台語認證」的有志，這套冊嘛藏真濟成功的撇步佇內底，若讀予熟，保證予你功力加倍，一下無細膩就通過認證矣！
　　「台語咧欲死矣！」這幾年來，這種聲音愈來愈濟，因為逐家已經發現，台語流失的速度比咱所想的緊足濟，用「崩盤」兩字來形容嘛袂過份。原因是佇少年人的生活裡，已經無台語的語境矣！家庭、學校、社會……，大人、少年人做伙攏無咧講矣！任何語言，若無佇生活裡使用的慣勢，閣無少年輩的全面傳承，伊真緊就會無命。語言愛生活化，愛有這種語言使用的環境，伊才有性命，道理就是遮簡單。咱免數想靠逐禮拜一節的台語課救台語，彼毋是救命索，也毋是還魂丹，只是日頭欲落山進前，好看頭的一片紅霞爾爾！
　　所以，共台語演講比賽，對「背稿式」改做「情境式」，是真著的改變。「著」佇共語言「生活化」，毋是「表演化」── 為著求名次，背三篇演講稿來表演！比賽了就隨「去台語化」，全部去了了矣！
閣來，咱台語嘛愛變做「教育語言」。佇學校，無論教佗一科，攏愛有一定比例，使用台語進行教學的時間，甚至台語課漸漸全部用台語上課。這種「沉浸式( tîm-tsìm-sik ) 的教學」，有伊的理論基礎，嘛有伊的功能佮效果。只有予母語生活化、教育化佮學術化，無論是佇家庭、教室、抑是公共場合，攏愛慣勢講台語，按呢才有法度營造較好的台語環境。嘛向望政治頭人會當做好𤆬頭。
　　毋過，遮的刀光劍影，好看頭的較濟，贏面無大，欲救台語最後一帖上有效的回春妙藥是啥物？就是愛「予台語有現實的價值」。
　　第一，毋但共台語囥入段考成績來計算，閣列入升學的科目。學生囡仔欲升高中佮大學，攏愛認證一種本土語言，及格的才有資格升學。
第二，愛立法規定，欲去原住民、客家人、抑是 hō-ló 人佔多數的縣、市、鄉、鎮服務的公務人員，包括老師、警察、稅務、鐵路局、地政人員、公所辦事員等等，攏愛通過當地本土語言中高級以上的認證。無，就袂當錄取。
　　當然，這是誠硬篤的承擔，嘛是誠深沉的文化佮教育政策的問題，需要有智慧佮決心的本土政權，做政治解決。若無，本土語言、咱的族語，會漸漸無去的運命，是一件無法度挽回的代誌矣！出版這套冊，閣一擺餾臭酸話，毋敢有傷濟向望，講按呢就有夠額矣。
Lâu Bîng-sin 2025.02.18

最佳賣點

最佳賣點 : 本書主要介紹教育部台語「情境式演講」的兩種類型的演練，有「看圖演講」和「文字題演講」。同時說明演講的技巧，以及透過實際範例來練習。