山水四季詩畫集 | 誠品線上

山水四季詩畫集

內容簡介

內容簡介 佇詩人的筆下，四季的景緻閣較優美，有時陣會予人感受著活潑、生動的氣氛。佇畫家的筆下，將上媠的彼一刻呈現佇讀者眼前。規个讀詩的過程敢若詩人陪伴讀者散步，做伙欣賞沿路的美景。

作者介紹

作者介紹 詩｜李勤岸（1951-）台南新化人美國夏威夷大學語言學博士國立台灣師範大學台灣語文學系退休教授台灣母語聯盟創會理事長曾任教美國哈佛大學東亞語言文明系澳洲國立大學台語教授國立中正大學台灣文學與創意應用研究所教授畫｜顏聖哲（1943-）字睎之，台南人，顏子第八十二代裔孫中國文化大學美術系畢業後為江兆申老師的真傳弟子以山水畫作為寫作的取向榮獲1990年吳三連藝術獎2001年全球中華文化藝術薪傳獎國立台灣戲曲學院藝術史教授亞洲大學榮譽教授台灣警察專科學校榮譽教授

產品目錄

產品目錄 輯一 春1〈春聲奔流〉 142〈春綠大地〉 183〈蒼岩老柏〉 224〈古厝赤牛〉 265〈春綠芳嬌〉 306〈綠岩泉影〉 347〈歸〉 388〈翠峰雲嶺〉 429〈綠谷瀑聲〉 4610〈金門風〉 5011〈山之櫻〉 5412〈奇岩掣流〉 5813〈桃花源〉 6214〈春之頌〉 6615〈玉山春曉〉 7016〈紅櫻〉 7417〈十分寮水沖ê春天〉 7818〈棲蘭山之春〉 8219〈坪仔田〉 86輯二 夏1〈時空相疊〉 922〈紅霞滿天〉 963〈快樂ê沙洲〉 1004〈內海仔〉 1045〈龜山島〉 1086〈初鹿牧場〉 1127〈黃金田園〉 1168〈日落荒屋〉 1209〈鹽田夕照〉 12410〈玉山日出〉 12811〈鷹喙山風雲〉 13212〈龜山島日出〉 13613〈山嶺雲霧〉 14014〈溪谷深岩〉 14415〈滿月瀑流〉 14816〈人間淨土〉 15217〈黃金大地〉 15618〈古木嵩雲〉 16019〈水火同源〉 16420〈淡水暮色〉 16821〈收驚〉 17222〈湖光山色〉 17623〈九曲流岩〉 18024〈九曲洞〉 18425〈清院荷芳〉 18826〈武陵勝景〉 19227〈蒼岩巨石〉 19628〈澎湖岩灣風情〉 200輯三 秋1〈秋芒〉 2062〈秋池江楓〉 2103〈楓紅白泉〉 2144〈躼跤仔〉 2185〈秋林〉 2226〈秋紅萬瀑〉 2267〈美濃綠園〉 2308〈白泉悠悠見楓紅〉 2349〈楓林深秋〉 23810〈千岩秋紅萬泉舞〉 242輯四 冬1〈白鵑〉 2482〈玉山冬雪〉 2523〈冬之生〉 2564〈寒江冬雪〉 260

商品規格

試閱文字

自序 : 綴畫家遊山玩水── 序《山水四季》詩畫集 /李勤岸

若是照我家己寫詩 ê 方式，遮 ê 詩恐驚永遠 bē 來出世，因為我遮 ê 所在多數無 tī 我人生行踏 ê 範圍。佳哉，我有綴畫家顏聖哲來遮遊山玩水。

遮 ê 所在 lóng 足媠，是畫家去遐寫生，咱綴伊去，才看會著，才有這號福氣。畫家 ê 彩墨畫，角度真特別，準講咱家己來到遮 mā bē 徛 tī 這个角度欣賞，這款 ê 寫實是畫家獨到 ê 藝術角度。顏聖哲 ê 圖畫 kah 足幼路，有真濟細節是我用譀鏡好禮仔看才看會著。這就是詩。畫中有詩。

我 ê 工課就是 kā 這个詩寫出來。將來準講詩 kap 圖拆分離，人讀著我 ê 詩，mā 是會讀著顏聖哲 ê 圖，這就是詩中有畫。當然 lah，我 koh 有 tī 伊 ê 寫實中間暗崁我 ê 魔幻，我 ê 想像，增加伊圖 ê 層次感。

　　我參顏聖哲幾若冬前品好，伊為我 ê 詩30 首畫圖，我為伊 ê 30 幅圖配詩。伊 ê 配圖詩畫展 tī 彰化台語文園區展出，反應真好，本底是 beh 展兩個月，後來 suah 一直延，變成常設展。明年七月 beh tī 台南吳園展出，敬請期待。我 ê 配詩後來寫 bē 煞，寫超過一倍，拄好另外出一本詩畫集，就是這本《山水四季》。這本《山水四季》進前叫做《山水詩畫四季》，koh 進前叫做《李勤岸詩顏聖哲畫》。 Lóng tī 我 ê 人面冊迷眾頁「台灣母語作家李勤岸」刊過，mā lóng tī「守/ 酒台語社」讀冊會唸 hōo 逐家改過，後來 koh tī《海翁台語文學》、《臺江台語文學》、《教會公報台文世界》、《自由時報副刊》kap《幼穎兒童台語文學》發表。感謝李淑鳳改寫羅馬字 kap 註解。

　 當然你會真佮意這本詩畫集，因為顏聖哲 ê 圖太媠 leh ！
　　
來，咱沿仔讀我 ê 詩，沿仔綴畫家來去遊山玩水。
--2025.5.31 五日節 台北和室

最佳賣點

最佳賣點 : 讀者佇讀詩的過程中，會當感受著詩人李勤岸對四季景緻的用心觀察佮伊寫詩的技巧。同時，閣有畫家顏聖哲用藝術家的眼光，揣著景緻上媠的角度共伊用水墨畫表現出來。那讀詩，那欣賞畫，會當講是「畫中有詩，詩中有畫」的另外一種體現。