秋旅速描
| 作者 | 李勤岸 |
|---|---|
| 出版社 | 金安出版事業有限公司 |
| 商品描述 | 秋旅速描：整本詩集是作者在2022年前往美國西雅圖拜訪女兒和女婿的閒暇時間所創作，每一首詩搭配作者當時拍下的照片，讓讀者在閱讀每首詩時就像跟著作者一同旅行的感覺。作 |
內容簡介
內容簡介
作者介紹
作者介紹 李勤岸( 1951- )台南新化人美國夏威夷大學語言學博士國立台灣師範大學台灣語文學系退休教授台灣母語聯盟創會理事長曾任教美國哈佛大學東亞語言文明系澳洲國立大學台語教授國立中正大學台灣文學與創意應用研究所教授
產品目錄
產品目錄 狗仔看花 10渡假 12育囡仔 14吊床 16樹蔭 18爆炸頭 20烏天鵝 22釣魚 24焦枝頂 ê 對話 28約束 30樹鴛鴦 34鷹鳥 36渡船 38流動 40海翁 42大漢人 44金鰱魚 46烏鴉 48世界和平祈求碑 52啄樹鳥仔 56恐龍 kap 樹仔 58椅仔 kap 猴山仔 60貓頭鳥 62囡仔行大棋 64詩人賣詩 66烏貓 ê 特技 70綠頭鴨 74蘆竹 kap 石頭 78金色 ê 溪水 80魚橋傳說 82雙水沖 84遙控媽媽 86牽狗仔散步 88趨冰 ê 姑娘 92虎口籃球場 96畫家徛厝邊 98支點 100迎新圖 102過去抑未來 106水草kap 石頭 108防空壕 110長頷鳥 kap 花 112鏡之樹 114海漲 118沙漠 ê 夢 120行路樹 124拼貼藝術 128塗肉若有肥底 130綠色磅空 134夢中 ê 山海景 138太空餐 142孤鳥 ê 願望 146情人蠟條 150籬笆出租 154七號碼頭 158走唱 ê 金耳鉤 162發芽 ê 帆 166起厝 170看海 ê 日子 174囡仔kap 海 178馴狗者 182艋舺 184迷失 188月娘頂懸 ê 兔仔 192大流柴之旅 196觀光厝 200徛衛兵 ê 島嶼 204烏鴉 kap燈塔 208觀音音樂店 212祕密花園 216太空夢 220是熊是虎 224賣冰 ê 兔仔伯 228溼地 232海灣暮色 236
商品規格
| 書名 / | 秋旅速描 |
|---|---|
| 作者 / | 李勤岸 |
| 簡介 / | 秋旅速描：整本詩集是作者在2022年前往美國西雅圖拜訪女兒和女婿的閒暇時間所創作，每一首詩搭配作者當時拍下的照片，讓讀者在閱讀每首詩時就像跟著作者一同旅行的感覺。作 |
| 出版社 / | 金安出版事業有限公司 |
| ISBN13 / | 9786267060650 |
| ISBN10 / | |
| EAN / | 9786267060650 |
| 誠品26碼 / | 2682659639008 |
| 頁數 / | 240 |
| 裝訂 / | P:平裝 |
| 語言 / | 17:台語 |
| 尺寸 / | 15×21×1.1 |
| 級別 / | N:無 |
| 重量(g) / | 340 |
| 提供維修 / | 無 |
| 適用年齡 / | 18歲以上 |
試閱文字
自序 : 詩 ê 自助旅行
這本是我 ê 第 19 本詩集。
若是出去旅行一逝，就會當寫出一本詩集，按呢真正會寫傷濟詩。佳哉，干焦詩家己ê 自助旅行才有法度寫出伊 ê 詩集。人 ê 自助旅行無彼號才調。我是真愛旅行 ê 人，干焦這遍寫出一本詩集，若 m̄ 是詩家己去旅行，詩家己自動寫作 ê，beh 按怎解說？
AI 寫作是一款自動寫作，這本詩集 mā 是一款自動寫作。我 tī 2022 年10 月 kap 阮某去 Seattle 查某囝 in 兜蹛一個月。有兩个週末，in 翁仔某有tshuā 阮去附近 ê 景點迌。其他ê 時間，in lóng 愛上班真無閒，阮有時坐公車去華盛頓聖大學校園 lau-lau 踅踅 leh，有時去附近 ê 湖邊散步。我 ê 單眼相機翕真濟相片，手機仔 mā 翕 bē 少。轉來台灣，遮 ê 相片就家己自動寫作，我 suah 變做 AI。逐工透早，倒 tī 眠床頂，看手機仔內底雲端 ê 相片。相片就瞬間變做詩，我隨 kā 寫 tī手機仔裡，隨掛相片 kā phoo tiàm 彼工 ê 人面冊迷眾頁。一工有時寫三首，有時寫二首，有時一首。兩個月落來，竟然寫 kah 75 首。
其實遮 ê 詩無算是「旅行 ê 詩」，較成是「詩 ê 旅行」，詩 ê 自助旅行。若是旅行 ê 詩應該描寫旅行彼个所在 ê 景緻，hōo 讀詩 ê 人敢若綴你去旅行。我遮 ê 詩 lóng 是逐首詩有伊家己獨立 ê 思考，家己 uì 相片內底走揣性命 ê 意義。透過旅行，透過翕相，寫出我對人生 ê 觀察 kap 想法。
阮查某囝嘉宜 tī Seattle 附近揣著心理醫師 ê 工課，阮囝婿 John tī Microsoft 食頭路，in 拄結婚一個外月，阮就自助旅行來到 in ê 新厝。In ê 結婚典禮設計 tī 森林內底，新房 tī 樹屋頂，mā 有替阮款一間樹屋。可惜彼陣台灣 Covid 19 疫情當 teh 滾絞，阮只好 kā 機票退掉，無法度去參加 in ê 婚禮。等台灣會當出國ah，就緊來 kā in 祝福，分享 in ê 喜氣。遮 ê 詩會自動寫出來，會來自助旅行，我會變做敢若 AI，逐張相片 lóng 瞬間化做詩，無定是因為去 hōo in ê 雙喜沖著 ê 緣故!
我 kā 詩集號做「秋旅速描」，無叫做「秋旅素描」，是因為速度真正真緊，逐首詩 lóng 是速成 ê。希望透過我翕 ê 相片，讀者會當入來我 ê 詩自助旅行，體會我自動寫作 ê 快樂。
感謝畫家顏聖哲為我這本詩集 ê 30 首詩寫字畫圖，促成「李勤岸顏聖哲詩畫展」。第一站 tī 彰化台語文創意園區展出。感謝姚資政嘉文兄 kap 周前縣長清玉姊 in 翁仔某 ê 支持。感謝文化部長李遠撥駕來剪綵致辭。彼一工同時詩畫展開幕，詩集新冊發表會。我 kap 南二中 ê 學長大畫家顏聖哲合作，伊為我 ê 30 首詩畫圖，我為伊 ê 30 幅圖寫詩。30 幅 ê 字圖害伊寫kah 目睭強 beh 青盲去。伊 ê 圖，我寫一下 suah 超過頭重倍，寫 60 首。變做另外一本詩集《山水詩畫四季》。向望伊寫 ê 字圖，我寫 ê 配詩，會當另外 koh 出 1 本詩畫集，另外 koh 辦一場詩畫展。台語詩應該愛迒界多元演出。這是台語詩 kap 藝術做伙踏出來 ê 一小步。寄望文化部會當 tī 第一站展 suah 了後，接續安排去全國台灣文學館巡迴展覽。期待！
感謝林興華提供伊 ê 畫來做這本詩集 ê 封面。這是雙封面 ê 設計，林興華 ê 圖會當單獨提出來框，吊 tiàm 客廳，mā 是另類 ê 詩畫展。
感謝淑鳳用心為每一首詩做語詞註解 koh 翻寫羅馬字，這本詩集有附我朗誦 ê QRcode，讀者會當看著華語註解，台語羅馬字，koh 有我 ê 台語朗誦、我翕 ê 相片配圖，按呢應該 bē 當 koh 講台語詩讀無 ah lah！
遮 ê 詩 lóng 有 tī 自由時報副刊、臺江台語文學、海翁台語文學、台文通訊罔報、台灣教會公報 kap 幼穎台語文學刊登過。勞力！
―― 2024.9.17 台北和室，中秋節
最佳賣點
最佳賣點 : 本台語詩集採用台語羅馬字寫成，並附有華語註解。同時，透過每首詩葉面中的QRCODE連結，可以聽到作者親自朗誦詩作。