一張車票 | 誠品線上

一張車票

內容簡介

內容簡介 「火車底時閣順順咧行？無人按田內面走出來我手液㴙㴙流 車票捏牢牢人的穿插底時閣著時矣綴車廂輕輕咧搖欲按怎才會當轉去彼時陣？」一張車票，不只是旅行的證明，更是詩人穿越日常、歷史與內心世界的旅程起點。資深詩人陳明克再度以台語帶來充滿本土風情的詩文，題材揉合即景、草木、動物、小人物生活、瘟疫、戰爭、政治等，有著即物短詩的精煉、哲理詩的思辨與敘事詩的深省，詩風時而鋒利如匕首，時而溫柔如水，於日常景物與時代縫隙中，提煉出對人性、社會與歷史的深刻凝視，為時代留下記憶的刻痕。

各界推薦

各界推薦 方耀乾（國立台中教育大學台語系前特聘教授兼系主任）林央敏（詩人、《台文戰線》發行人）

作者介紹

作者介紹 陳明克生於嘉義縣民雄鄉，中興大學物理系教授（至2021年7月）。《笠》詩社社員、曾任社務委員、編輯委員；《台文戰線》雜誌社員。著有《天使之舞》、《輸送帶》、《花的聲音》等十二本詩集（其中一本為台語詩集《茫霧中ê火車》），一本詩選集，三本雙語詩選集（兩本漢英詩集，一本漢西詩集），《最後的賭注》、《木棉的掙扎》兩本中短篇小說集。詩屢次入選年度詩選，多次參加國際詩歌節。曾獲九項文學獎，除了第三屆台南文學獎（台語詩類）、第七、八屆台文戰線文學獎以外，另也得到第五屆台灣文學獎、教育部文藝創作獎特優等。----------------------------------------------------------------------------佇嘉義縣民雄鄉出世，中興大學物理系教授（到2021年7月）。《笠》詩社社員、擔任《笠》編輯委員、社務委員幾若擺；《台文戰線》雜誌社員。目前為止，攏總出版《天使之舞》、《輸送帶》、《花的聲音》等十二本詩集（其中有一本台語詩集《茫霧中ê火車》），一本詩選集，三本雙語詩選集（漢語佮英語兩本、漢語佮西語一本），《最後的賭注》、《木棉的掙扎》兩本小說集。詩定定入選年度詩選，嘛定定參加國際詩歌節。捌得到九項文學獎，除了第三屆台南文學獎（台語詩類）、第七、八屆台文戰線文學獎以外，猶捌得到第五屆台灣文學獎、教育部文藝創作獎特優等。

產品目錄

產品目錄 推薦序 一張往美麗詩境的車票／方耀乾推薦序 風花雪月之後的社會寫實與小品敘事／林央敏▼輯一翼大寒雨春天佇佗花蕊內面時間向望黃昏趕緊開花櫻花花欲落鉼花毋著時伊花矸翼走揣siáng的聲流星咧講啥▼輯二月娘誠圓剷草予水流去的葉仔烏日吊橋邊的晚霞蝶仔花中秋庄跤的老人十四暝的月娘佇駁坎的光假的天咧欲光矣春天水避仔水池內的天露螺佮花落雨花園恬恬看詩月圓永遠恬恬的橋桃米坑溪斑鴿彼个人得救彼扇門日鬚紅鷹刺球駁坎下跤▼輯三花的惜別蔥頭厝亞里斯多德的鴨仔Peh懸懸的人予人關起來的詩坦橫行搶劫春天綴風飛布條人啥人咧揤電鈴弄尪仔的人𬦰上頂懸的人春天的田日頭咧欲出來矣高麗菜飯透早的祈禱我是啥人戰爭閣活欲暗矣虼蚻▼輯四災瘟的戰爭魔鬼的聲疧日誌簿仔底時照著我布袋戲尪仔我參A.I.一張車票伊咧揣啥大地動隘勇騙人的春天跤跡

商品規格

試閱文字

推薦序 : 【推薦序】一張往美麗詩境的車票／方耀乾



　　明克兄欲出版第二本台語詩集，我真歡喜，特別欲共伊恭喜。明克兄是國立清華大學物理系博士，現此時已經自國立中興大學物理系教授退休。伊的創作文類以詩為主，兼創作小說。以早主要以華語創作，出版著有《地面》、《歲月》、《天使之舞》、《暗路》、《掙來的春天》、《海芋都是妳》、《詩帶著陽光》等詩集。近年，伊開始專注台語詩的創作。伊的第一本台語詩集《茫霧中ê火車》佇2022出版，這馬閣欲出版伊的第二本台語詩集《一張車票》，跤手實在真猛，愛共伊拍噗仔。

　　《一張車票》這本詩集總共收入85首台語詩，創作期間對2021到2025年，大約有四冬。按照內容和詩風來分有四輯。題材有即景、草木、動物、小人物生活、瘟疫、戰爭、政治、政治受難等輯。詩的主題包含日常、旅行、登山所見花草樹木景物，因感悟昇華，以及對生活中、歷史中對人生的深刻的感觸，抑是粹煉出來的哲理。這本詩集的題材真闊、豐富，顯示出明克兄對生活和社會深深的關照。

　　有關詩風部分：有即物短詩，若利刀直取要害的詩作，譬如〈翼〉等；有抒情思辯，搜揣意象的新意，探取物象、人事的意義，釀造哲理的詩作，譬如〈予水流去的葉仔〉、〈蔥頭〉，（人），（我是啥人〉，（欲暗矣）等；有結合敘事風格和抒情風格，以魔幻寫實抑是奇幻風格，對人性、歷史、環境的深思反省的詩作，譬如〈一張車票〉、〈日誌簿仔〉、〈伊咧揣啥〉等。

　　總講一句，明克兄的抒情詩文字看起來平易近人，風格平實，毋過定定有予人料想袂到的意象和哲思咧閃爍；伊的敘事詩有真厚的故事性和對人性、歷史、環境的反思。這本詩集是近年來值得注目的好作品。

──────────────────────────────

【推薦序】風花雪月之後的社會寫實與小品敘事／林央敏



　　在大約四十多年前的一九八○年代初葉，個人經由多方閱讀與獨自思考後，很快地，我發現自己原本擁抱的那種緣於被長期栽種以致深植心坎的中國情懷及中國人意識變得空洞又虛幻起來，取而代之的是一種生於斯、長於斯而應愛於斯、也願葬於斯的本土情懷與台灣人意識。這時在文學創作方面，我知覺到台灣本土語言受到長期壓抑與嚴重摧殘，因此開始嘗試以台語寫詩、寫散文，我認為台語寫作有助於破除台灣人被外來殖民統治與語言壓迫所造成的文化自卑感，而且在心理上可以恢復台灣人的自信與尊嚴。這種醒悟的感覺日漸強烈，所以台語寫作的想望也就益加迫切，幸賴這股熱誠，讓我得以克服台灣人被禁絕台語文教育和學習台語寫作的諸多困境，終於我可以直接以台語思考、寫作，於是乎我的台語作品就越來越多了。

　　當時我認為台灣的學校教育應該恢復日治時代曾經施行的台語課（日治時期稱為漢文科，以平假名為課文標注台語音來教學台語），而台灣文學家也應有能力使用台語創作文學的主張也開始萌芽、成長。不久，又與數名熟識的作家如詩人黃勁連、小說家宋澤萊、散文家林雙不（原筆名碧竹）、出版家林文欽……等人密切往來談心，發現這些出身於嘉南平原的作家朋友原來都有志一同於提倡或贊成母語復健與台語寫作，於是大約最慢到一九八七年，台語寫作的呼聲與實踐成為一場後來被喻稱為「文學革命」的文學運動，接著我開始大力建構台語文學的理論，並且更積極的投身台語文學運動。

　　在我往後從事台語文學運動及本土語言復興運動期間，常寫文章或在演說中呼籲台灣人鄉親支持這個台灣人的文藝復興，希望看到更多人來參與，其中也盼望更多文壇老將能加入台語寫作的行列，即使只是嘗試性的、「插花仔」式的寫些台語作品，也能豐富台語文學的數量和質量，並增加台語文學運動的力量。稍後確實有越來越多的人士及原本只以中文創作的作家，受到台語文學運動的感染而陸續加入台語寫作的行伍，也許是小品詩很短，文字篇章比較容易掌握和完成，所以這些有心跨越語言的作家以詩人最多，陳明克先生便是其中很勤奮的一位，特別是他有不少詩作，在風格、內容和表現手路這方面相異於多數小品詩人，他的這類詩往往或明或隱的含有敘事情節，這一點尤其令我感到可貴。

　　《一張車票》是陳明克的第13本小品詩的別集，也是他的第2本台語詩集，全書分四輯共收錄八十五首詩。前兩輯，大體上都以所謂風花雪月、雲霞雨露、草木禽獸之屬為主的寫物詠懷的袖珍型小詩，但陳明克寫的風花雪月之物只是將之當做媒介，藉以映射作者的真實主題，意即暗含弦外之音，比如他會以插在花瓶的花朵之開謝來表現時間的流逝及愛花如痴的情態、以花朵的凋萎來諷諭瘟疫的肆虐……等等。因之，這類小品詩，陳明克慣用擬人法讓這類物品變成有思想、有情意的生命體，作者也透過對這些物件的微觀而將靜物動態化，詩句雖短卻有細節呈現，其中部分小詩讀來頗具童趣，彷彿大人版的囝仔詩。

　　詠物、抒感是幾乎所有詩人都會有的絕句式小品，筆者就不多費筆墨。倒是我前面說，陳明克有一類詩很特別，這類詩並非純屬抒情詩，而像是一種微型敘事詩，在寫人詠史或寫物抒感之間，會有情節動作。大約十年前吧，他的這種詩風開始讓我留下深刻印象，比如他有一首詩叫〈窗仔門〉，茲因這首詩並未收錄在這本詩集裡，因此為了讓讀者品賞並了解他的這類特異詩風，容筆者將它全文照錄如下：



1、

「趕緊換衫趕欲上班的我

看拄開的茉莉花

一隻尾蝶仔按花蕊

飛落去花坩

我行到窗仔門邊

伊若棉紗的跤佇坩仔墘

行踏　身軀攲來攲去

看啥看甲神神？翅敧一爿

險險仔跋落去塗跤



我煞恬恬仔看

尾蝶爬轉來花坩頂面」



2、

「吳仔也定定坐佇邊仔

頭敧敧看阮相諍

伊目睭無神　毋知人佇佗？



阮定定吵啥物款製程上好

彼和獎金、月給有關

經理煩甲攑雷射筆起來指

銀幕頂面數字膏膏纏

青紅光走相逐　揣無路



經理細聲叫吳仔

『你看，按怎較好？』

吳仔定定親像按遙遠的所在

雄雄轉來　目睭金起來

亂操操的數字佇伊目睭內排隊



我起先看伊無

尾仔向望伊緊轉來」



3、

「走廊內日頭光愈來愈暗

吳仔果然閣倚佇窗仔門邊

若親像綴袂著日頭的烏影



『董仔揣你　唸經理講

毋盡心盡力作工課

欲按怎生存？』



吳仔共我的肩胛頭捒一下

伊叫我看城內雺霧罩牢的大樓

看日頭欲沉落去的所在



彼一片金鑠鑠的所在是海？

行徙的烏點是船？

欲靠岸抑是欲出港？



日頭煏開　佇海面散糊糊

伊行向電梯　越頭詼我

『你按佗坐船來？欲去佗？』」



4、

「尾蝶仔半截身軀探出去看啥

我敢若看到吳仔探頭出去

伊雄雄按窗仔落入去雺霧



雺霧內面一隻尾蝶仔飛出來

尾蝶仔佇花蕊踅來踅去

我叫是彼是吳仔

我瞪力捒開窗仔　雄雄

衝出去　尾蝶仔颺颺飛

我聽著董仔佇罵人」



　　我最初讀到這首詩時，並不知道作者是誰，因為它是當年應徵台南文學獎的作品之一，當這首詩獲獎後，我為它寫了一則簡短的評審感言，我說（台文）：「〈窗仔門〉這首誠特別，是這屆所有參選的台語詩內面較明顯有敘事性情節的詩，嘛是這屆得獎作品內面唯一無用歷史或歷史人物做題材的詩。這種有情節故事的小品詩自古以來就是漢語文學（含華、粵、台、閩、客……等語言的文學）的稀品，主要原因是：欲敘述情節、佫欲塑造有詩質的文句足困難，所以古今詩人多數干單願意寫抒情詩、哲理詩、即物詩、描景詩、地誌詩、歌謠詩、詠史詩等等無故事嘛無情節的小品，攏較無愛寫、嘛較無法度寫史詩（epic）、敘事詩（故事詩）。這首雖然抑袂當叫做故事詩，但明顯有事件、情節佇進行，我加這種詩叫做『微型小說詩』或『細型記事詩』。

　　這首〈窗仔門〉用隱藏作者『我』的目睭來描寫一个叫做『吳仔』的同事，這位吳仔是一个有內涵、有原則、袂虛花、袂隨便佮世俗滾絞的人，但這種性格的人也歹置社會生存，最後行向自殺。這首詩的句讀嘛真媠，對人物、景緻佮動作的描寫攏真幼路佫形象化，用尾蝶仔暗示主角吳仔的間接式映襯誠成功。較可惜的所在是，作者無將造成吳仔自殺（跳樓）的心理佮外在衝突點刻劃較濟、較明咧，致使詩（以及予讀者）的強度有稍寡弱去。」當主辦單位台南市政府文化局正式公佈決審結果時，我並未去注意得獎作品與得獎人的消息，是後來這首詩發表在《台文戰線》，我才知道作者就是陳明克而為他感到格外欣慰，因為我覺得台灣文壇需要有更多這種內容較豐富的「小說詩」。

　　此後，陳明克寫了更多小說詩，而且內容更加趨向以歷史諷喻、政治批判、時事反映、諷刺侵略、文學寂寞等等社會寫實的主題與風格，這類小說詩主要集中在本書的後半部（尤其第四輯），構成本書篇幅最多、份量最重的主要部分。筆者原本打算試舉其中一首來簡析並稍為比較一下作者呈現事件之手法的沿襲與轉變，無奈篇幅字數已超出預定甚多，幸好，收錄在後二輯的這類具敘事詩雛型的小說詩的語言都比前二輯的小詩淺白，句子也較散文化，讀者在閱讀時稍加留意，應該不難理解作者的題旨，本文就不贅述了。

試閱文字

內文 : 〈天咧欲光矣〉



油菜花規暝毋睏

咧等待啥？

烏暗敢無盡尾？



下月眉雄雄跳出來



油菜花聲揤低低

叫醒伊的兄弟仔伴



「哪猶遮暗？」



「日頭綴佇月娘後壁

連鞭欲出來矣」



伊的兄弟仔伴

隨閣睏去

------------------------------------------------------------

〈坦橫行〉



「是按怎無

坦橫行的鹿角龜？」



一陣人內面我攑頭看

鹿角龜佇樹身

直溜溜的溝仔底

沓沓仔爬



「是大自然神秘的安排」

志工家己問家己應

「若無，樹仔會徛黃」



坦橫行的鹿角龜

就按呢滅種？



按呢，坦橫行的人、國家

哪無滅了了？





「地球干焦一粒啊！」

毋知siáng吐大氣

------------------------------------------------------------

〈布條〉



毋知佗來的囡仔

佇客廳耍布條仔

伊好玄纏來纏去

搝搝搦搦

擲向天

金金看布條仔

颺颺飛遨遨輾



我煞對布條遮頭

趨去另外彼頭

　袂當翻頭

目𥍉仔煞摔落去

烏烏暗暗一直落

欲落去佗？



囡仔閣抾布條仔起來

我看著地板

布條仔

落出來的毛幼仔

直直脹大



囡仔大聲笑

閣擲布條仔出去



我煞佇毛幼仔內面

綴風颺颺飛

------------------------------------------------------------

〈伊咧揣啥〉

一、



拄落車阿清雄雄爍爍顫

予人挨甲敧來敧去

強強欲跋倒

我共伊插咧



寢行出捷運站

伊踅踅唸：「遮是佗？」



伊蹁來蹁去

欲走入去細條巷仔覕

目睭仁硞硞輾　叫我緊走

「𪜶閣欲來掠我矣」

伊閣搝我斡入去別條巷仔



二、



伊覕佇壁角喘大氣

「我喙掩牢咧　毋敢哭出聲

跔佇暗摸摸的壁角　直直想

是按怎拄才笑咍咍、擛旗仔

佇大通等祖國軍隊

目一𥍉　笑聲煞變成

毋敢出聲的吐大氣

蜘蛛定定佇米甕牽絲」



「政府是為啥存在？

是按怎按呢凌勒百姓？」



「我揣無路　枵甲起畏寒

神神若接著阿姐予我的便當

佇天篷頂大小喙兇狂食

日鬚若水影咧搖

阿姐文文仔笑」



三、



「我細聲叫阿姐免煩惱

我欲去祖國討救兵

仝一國閣有仝款主張

𪜶會共咱鬥相共」



「阿姐干焦微微仔笑　插我起來

我講甲心臟咇噗惝：

艱苦作穡的人才是主人！

咱毋是生產的工具！」



「毋知底時阿姐無去矣

日鬚若像細聲咧講：

我會陪你去揣你向望的國

彼个國媠甲若上帝的國」



四、



伊急甲面紅起來　共我搝咧

「林桑！多謝你借我錢！

……𪜶有揣你麻煩無？啊！緊咧！

緊綴牢彼蕊大開、光炎炎的日鬚

彼是阮阿姐求來的神」



「啥是林桑？我？」我提手機仔搜揣資料

土改、三反、五反、文革，到六四到……

伊的面青恂恂，吞吞吐吐

「這馬是二十一世紀矣？

哪轉去一世人做皇帝?!」



「你講的祖國毋是你向望的國！

你看！89年遐佇天安門的大學生

佮你同款是為著民主！」



伊忍咧無哭出聲　珠淚滴袂離

欲喝煞若嚨喉哽著：「哪會按呢!?

袂使！神講綴伊行就會當得著

……我的阿姐咧？」

伊哭出聲　捶心肝搝頭毛



伊雄雄喝一聲　阿清目睭仁反白

規身軀咇咇掣　終其尾軟膏膏un落去

伊，一模烏影？傱出阿清的身軀

跪落塗跤雙手攑向天

毋知生狂咧求啥



伊徛起來　欲笑閣若欲哭

徛袂好勢閣欲行落去

我趕緊伸手欲共伊閘咧：「你猶欲去揣？」



伊軁過我的手縫

伊敢是失蹤的受難者，施至成

伊愈來愈霧　猶一直越頭

愈行愈遠若流浪的亡魂

我毋知伊會當去佗？

我大聲喝：「遮才是你咧揣的！」



阿清無張持𬦰起來，嚷講：「袂赴上班矣！緊咧！」

最佳賣點

最佳賣點 : ★資深詩人陳明克再度以台語帶來充滿本土風情的詩文，提煉出對人性、社會與歷史的深刻凝視。

活動

• 全站滿$6,800贈誠品xSOUSOU聯名盥洗包