毋-捌--ê | 誠品線上

毋-捌--ê

內容簡介

內容簡介 《毋-捌--ê》攏總有十篇小說，頭一篇〈毋-捌--ê〉，台語讀做（m--bat--ê）。「毋捌」這个詞主要有三个意思：一是「不認識」、二是「不懂事」、三是「未曾、沒有」。本篇篇中ê主角「毋-捌--ê」，就是一个逐家攏無啥知影伊ê她ê身世、來歷；伊嘛無啥知影社會上ê人情、世事；而且，幾十冬來，伊差不多毋捌開過鄉裡，又閣差不多逐工佇鄉內四界賴賴趖ê一个傳奇ê人物。另外九篇，〈阿爸ê情歌〉、〈刺字佮刀khî〉、〈揣墓ê人〉、〈疼〉，寫ê主要是對過去ê生活印象佮回想；〈無眠ê人〉、〈無厝ê人〉、〈無面ê人〉、〈綴風飛去〉、〈伊〉，寫ê是後來佇這時ê社會經驗佮想像。悲歡哀怨、真假虛實，人生就是如此。

作者介紹

作者介紹 陳正雄｜1962年出世佇臺南縣柳營鄉，現此時蹛佇臺南市安平區，國立臺南一中教師退休。1998年開始臺文創作，得過幾个文學獎，出過幾本臺文冊。《毋- 捌--ê》是作者第二本短篇小說集。

產品目錄

產品目錄 市長序 綿延如溪，潤物無聲市長序 綿延如溪，潤物無聲局長序 文學，讓城市發聲——在臺南的光與影中書寫時代主編序 文學長河 王建國自序毋-捌--ê阿爸ê情歌刺字佮刀khî揣墓ê人無厝ê人無眠ê人無面ê人綴風飛去伊疼

商品規格

試閱文字

自序 : 自序
我足無愛，嘛足袂曉寫序。毋管是為家己、抑是替別人攏仝款。是講，人一般出一本冊，上無總是愛有一篇序，看起來較成樣，按呢我就家己寫幾字。
這本小說攏總有十篇，頭一篇〈毋-捌--ê〉，台語讀做（m--bat--ê）。「毋捌」這个詞主要有三个意思：一是「不認識」、二是「不懂事」、三是「未曾、沒有」。本篇篇中ê主角「毋-捌--ê」，就是一个逐家攏無啥知影伊ê她ê身世、來歷；伊嘛無啥知影社會上ê人情、世事；而且，幾十冬來，伊差不多毋捌開過鄉裡，又閣差不多逐工佇鄉內四界賴賴趖ê一个傳奇ê人物。
另外九篇，〈阿爸ê情歌〉、〈刺字佮刀khî〉、〈揣墓ê人〉、〈疼〉，寫ê主要是對過去ê生活印象佮回想；〈無眠ê人〉、〈無厝ê人〉、〈無面ê人〉、〈綴風飛去〉、〈伊〉，寫ê是後來佇這時ê社會經驗佮想像。悲歡哀怨、真假虛實，人生就是如此。

主編序．文學長河　　王建國．臺南大學國語文學系教授
臺南，向來是臺灣文學與文化的首善之地：人文薈萃，作家輩出；老幹新枝，生生不息；古往今來早已匯聚成一道文學長河。夏日午後，豔陽高照，文化局召開臺南作家作品集編輯會議，巧合的是，七月十六日，也是一個很有歷史性及紀念性的日子：一九二○年的這一天，《臺灣青年》雜誌在東京正式發行，後來即便迭經不同經營形態及更名：《臺灣》、《臺灣民報》（半月刊、旬刊、週刊）、《臺灣新民報》（週刊、日刊）……，都是當時臺灣文學與文化的重要園地，而本年度《臺南作家作品集》，繼往開來，也將成為臺南文學長河中，一道波光瀲灩的美麗風景。
本屆《臺南作家作品集》推薦與徵選作品共計九冊，一致獲得評審委員肯定與青睞，只是，受限於結集冊數，不免有所割捨，最後在評審委員一一表達意見及充分交流後，極具共識地——異口同音！——選出推薦作品：《拾遺集》與徵集作品：《每個晨讀都是簡樸的邀請》、《毋-捌--ê》、《再來一杯米酒》、《司馬遷凝目注視》、《拾萃》共六冊；深具文類（含括：散文、小說、劇本、評論）及語體（中文與臺語）的代表性與多元性。
龔顯宗先生《拾遺集》：龔教授集作家與學者於一身，出入古今，著作極為豐厚而多元，同時也是臺南文學與文化重要推手，曾獲第十三屆府城文學特殊貢獻獎。〈自序〉稱述學思歷程及說明各文來源，同時有得意門生許惠玟研究員對其學術之詳實評介，內容主要分成三卷及附錄，收錄早年罕見的文藝創作與學術研究彙編（沈光文的相關研究、梳理《池上草堂筆記》、〈西灣語萃〉選錄經典人生話語集錦並附上個人解析……）、出國講學、首屆世界漢學會議紀實等珍貴成果，見證其從文藝青年一路走來，成為桃李滿天下、卓然有成的學者專家；而不論其角色身分如何轉變，始終鍾情於文字、文學與學術。
蔡錦德先生《每個晨讀都是簡樸的邀請》：當中篇章多為副刊發表之作，質量均佳。內容分「寶島家園」、「心儀人物」與「海外旅情」三輯，係對個人生活周遭人、事、物（包括：文學經典的反芻、旅遊名勝的感懷、人類文明的思索……）的諸多體驗、觀照與省思，閱讀廣泛，且閱歷豐厚，整體而言，文筆流暢、雋永可讀，加以內容幽默詼諧、溫馨真摯，可謂現代小品文。
陳正雄先生《毋-捌--ê》：共收錄十篇臺語小說，包含三篇文學獎得獎作品。內容多取材個人成長經驗及鄉里故事，具個人傳記暨家族敘寫之意義，同時呈現一定地方色彩，語言流暢，故事動人。
鄭清和先生《再來一杯米酒》：題材內容質樸，或「寫市井小民生活的悲苦與無奈」，或「寫女性，為苦命的女性發聲」，多呈現臺灣早年生活經驗，作者擅長敘寫鄉里小人物的情感及生活點滴，其中，〈無垠的黑〉以華語為主調，間亦融入生活化臺語語彙，情節緊湊，可讀性高。
周志仁先生《司馬遷凝目注視》：內容分甲編：「眾生的年輪」與乙編：「回歸質樸的所在——鄉土篇」，為歷來獲獎暨刊登作品之結集。小說技巧純熟，行文敘寫及創作內容，多帶有《莊子》、《金瓶梅》、唐傳奇……等古典文學色彩，且能從中翻出新意。〈司馬遷凝目注視〉猶如一闋臺灣史詩，與臺南也有深厚地緣關係，就題旨而言，作者或有意以史家之眼、之筆，鳥瞰與書寫臺灣歷史發展。
陸昕慈女史《拾萃》：主要收錄曾獲文化局及國藝會委託或補助之六部轉譯／改編臺南歷史文化劇本（含三部布袋戲劇本），並於二○一五至二○二三年間實際演出，題材內容多元，裨益地方文化發展，尤其，此間搭配作品影音連結（QR Code），更有助於案頭戲與舞台演出之相得益彰。
今年，「臺南四○○」正在大街小巷熱鬧展開，此際結集成冊，正好躬逢其盛趕上這波文化熱潮；其實，這次出版各冊作品裡面也富含其元素，有興趣的讀者，不妨隨著作品裡的文字細細尋覓，相信定當有所收穫，而亞里士多德（Aristotle，三八四B.C.至三二二B.C.）稱「詩（文學）比歷史更真實」，說不定也能從中發現更具本質與意義的内涵，同時享受閱讀與思考帶來的諸多樂趣。

試閱文字

內文 : 毋-捌—ê（節錄）
敢欲相信，時間已經超過六十冬矣，年紀應該嘛欲倚八十歲矣。毋過，這幾十冬來，除了伊ê面貌、體型，看起來有加較無仝，伊ê生活、習慣，會使講完全攏無改變。除了做風颱、落大雨，抑是真特殊ê原因以外，伊猶是逐工透早就出門、天暗才轉來。伊毋是無閒咧食頭路、做工課，是四界去賴賴趖、拋拋走。
因為一直無人知影伊ê名姓、嘛無人知影伊ê身世；伊對任何人、任何代誌，嘛親像完全攏毋捌，所以庄裡ê人，久年來攏慣勢叫伊「毋-捌--ê」。

毋-捌--ê，聽講是佇「八七水災」了後無偌久，有一工hiông-hiông出現佇阮庄裡ê菜市仔。
伊看起來量其約仔佇十七、八歲彼个跤兜，人生做粗勇矮頓、烏面闊喙；一軀衫褲thái-ko-nuā-lô、規个身軀oo-lô-tsiap-tàng，應該是佇外口流浪誠久矣ê款。
伊日時佇菜市仔趖來趖去，一下仔看人咧刣魚、切肉；一下仔看人咧揀菜、洗蔥。有時陣，徛倚路邊擔仔恬恬仔看人咧賣物件；有時陣，坐佇亭仔跤裡戇戇仔看人咧食點心。
伊毋捌開喙共人討、嘛袂去伸手共人提。有ê人驚伊無正常，見若看著伊，就趕緊離開；有ê人嫌伊無清氣，影響著生理，會共伊趕走；嘛有ê人看伊誠可憐，腹肚枵無通食，會分一粒肉粽抑是一个碗粿予伊。上特別ê是，伊會四界去抾人擲thó-ka̍k ê薰頭來𠲿。
佇彼个年代，阮這款草地所在，生活猶真單純，人口嘛誠罕得遷徙，蹛佇庄裡ê人，無論查甫查某、大大細細，應該攏有人熟似；若是當時，有在地人搬出去，抑是外地人搬入來，即時嘛隨會有人知影。毋過相連紲幾仔工落來，伊毋但日時攏佇菜市仔趖來趖去，連暗時都屈佇散市了後ê空擔仔位過暝，會當確定，進前無任何人看過伊，伊絕對毋是庄裡ê人；閣看伊衫褲一直攏無換，身軀應該嘛無咧洗，真有可能，伊是對外位仔一路流浪，來到阮這个庄頭。

本底，眾人是想講，伊應該會親像早前三不五時仔就會出現ê乞食婆抑是流浪漢仝款，過一站仔，家己就會離開矣。想袂到，經過幾禮拜矣，伊猶是規工佇菜市仔行過來、踅過去。有較雞婆ê人，就走去報警。
管-區--ê先𤆬伊轉去派出所。因為伊攏毋講半句話，干焦目珠掠人金金看，問規晡嘛問無路理來，無法度，暫時先共留佇派出所。一方面，向頂司反應，查看佗位有通報失蹤ê人口無？一方面，四界貼告示，看有人會認得這个查某囡仔無？
就按呢，一段時間過去矣，猶是無消無息，這个「毋-捌--ê」，真正親像天頂跋落來，抑是塗空bùn出來仝款，無人知影伊ê名姓佮身分。連彼箍毋管佗位深山林內ê啥物死人骨頭，都有才調去挖挖出來ê管-區--ê，嘛無伊ê ta-uâ。
因為伊無犯法，管-區--ê嘛袂當一直共留咧派出所裡。毋過，放伊一个查某囡仔按呢四界趖，總毋是辦法。管-區--ê只好去揣村長參詳，決定先𤆬伊去蹛戇伯仔ê彼間舊厝。
戇伯仔是庄裡ê羅漢跤仔，無某無猴、無親無情，家己一箍人蹛佇鐵枝路邊ê一間土埆厝，靠收歹銅仔舊錫咧過日，舊年破病過身去矣，彼間厝一直放空空佇遐咧飼蠓，予毋-捌--ê暫時會當遮風宓雨拄仔好。

是講，就算有一个岫通好窩，毋-捌--ê猶是親像一隻野生ê動物，袂慣勢關佇籠仔內，除了暗時歇睏ê時間以外，伊仝款規工佇外口四界賴賴趖、拋拋走。不而過，伊出現ê所在，毋但干焦是早前ê菜市仔爾。
一開始，庄內四箍輾轉、大街小巷，對東爿面ê鐵枝路跤到西爿面ê蓮苞埤仔，對南爿面ê三塊厝到北爿面ê十米路，攏看會著伊ê形影；到尾仔，鄉裡十三聯庄、每一庄頭，唯上東爿ê山仔跤到上西爿ê火燒店，唯上南爿ê龜仔港圳溝，到上北爿ê急水溪大橋，攏留落伊ê跤跡。連一般人，較罕得行跤到，專門咧刣豬刣羊ê豬肚內佮干焦咧出山入土ê墓仔埔，伊都親像咧行灶跤仝款。會當講，這段時間落來，毋-捌--ê，應該比管-區--ê較了解庄內每一位所在，絕對比鄉長較熟似鄉裡每一个角勢。

腹肚枵，伊沿路抾物件食；人若忝，伊凊采揣所在坐。問伊話，毋知聽有無？無欲應你、嘛袂去插人。
是講，因為伊干焦四界行來行去爾，袂講會去烏白亂使來，所以一般正經ê大人，知影伊ê情形，除了同情伊，三不五時分一寡物件、提二領衫褲予伊以外，嘛慢慢仔慣勢伊ê存在，袂去揣伊ê麻煩。
顛倒是庄裡某一、二个較狡怪、孽潲ê猴囡仔，有時會刁意故，綴佇伊ê勼川後共創治，大聲叫伊「毋-捌--ê」、「番仔婆」抑是「痟查某」，有人閣會抾石頭共擲、提水球共khian、用炮仔共射。通常，毋-捌--ê，攏像無聽著，當做毋知影，恬恬仔做伊行。

彼工，草猴𤆬頭佮伊幾个細漢ê，食飽傷閒，又閣綴佇毋-捌--ê勼川後咧lān-muān。𪜶一群人本底佇德元埤咧泅水、掠魚，看毋捌ê行過，一路綴伊到檨仔林。規點鐘久ê時間，伊除了沿路抾薰頭，若毋是行到電火柱邊，攑頭戇戇仔看，袂輸咧算電線頂懸有幾隻鳥仔；無就是來到檨仔樹跤，目睭金金相，那像咧揣樹尾頂生幾粒檨仔。
「痟查某，痟毋知，痟kah無穿褲；痟查某，痟毋知，痟kah大腹肚……」有人感覺無聊，開始用話咧共糟蹋。看伊無反應，這个時陣，草猴竟然旋一pû尿佇塑膠橐仔裡，規个對毋-捌--ê ê尻脊骿擲-過--去。
「我咧幹恁娘！」hiông-hiông，毋-捌--ê跤步停落、斡頭過來，目睭轉大蕊、出力喝一句。這是伊頭一擺出聲，原來，伊毋但會講話，閣會曉幹譙。
紲落，伊規个人親像青狂牛仝款，傱對草猴所徛ê所在去。草猴無張持去予喝一聲，驚kah戇神去，毋知欲按怎？
「阿娘喂，救人喔！」這時，毋-捌--ê一手對草猴ê肩胛頭搝牢咧，一手唯伊ê後腦khok搧落去。草猴疼一下，人精神過來，規个身軀軟kô-kô，褲底一包澹lok-lok，un倒佇塗跤，哀爸叫母喝救命。
紲落去，毋-捌--ê hiông-hiông坐佇草猴ê胸坎頂，換伊一pû尿，直接tsuānn-出--來。
彼个時陣，毋但草猴手下彼幾箍猴死囡仔走kah無看影跡，連四箍輾轉ê雞仔鳥仔嘛宓kah看無半隻。等草猴厝裡ê大人趕來到現場，毋-捌--ê早就毋知佗位去；草猴嘛已經四跤跋直直，死死昏昏去矣。

就按呢，草猴戇神戇神、死酸死酸，倒佇眠床頂三暝三日tah-tah。毋管是去拜拜乞爐丹、抑是倩尪姨來收驚，攏無路用。
後來，草猴ê序大人聽內行ê人指點，拜託管-區--ê提三粒肉粽、二矸米酒頭仔佮一包新樂園ê去共毋-捌--ê安搭，等伊食kah飽脹飽脹、啉kah馬西馬西、噗kah爽快爽快ê時，先偷偷用一碗水去洗伊ê衫仔支尾，才閣共水捧轉去予草猴啉，按呢，草猴才總算回魂轉--來。毋過，彼隻草猴此去煞變做「杜定」，不時懶趖、懶趖，攏袂閣再親像以前彼款giàng牙、氅鬚。
明知是家己ê囡仔狡怪作孽，對方又閣是悾悾戇戇。好佳哉，無出啥物大問題，草猴ê爸母嘛無想欲計較，代誌就按呢準拄好去矣。以後，庄仔內無論大大細細，嘛無人敢閣去糟蹋伊毋-捌--ê。

日子就按呢一工一工過去。毋知佇啥物款情形下，hiông-hiông，有人先發覺毋-捌--ê若像捾一粒腹肚愈來愈大khian，後來閣有人看著隔壁老-李--ê竟然佇伊ê厝裡出出入入，閣過無偌久，就有人聽著紅嬰仔暝日咧哭ê聲矣。

老-李--ê，是對中國湖南過來，陸軍士官長退伍ê老芋仔。伊對軍隊退伍了後，毋知啥款ê原因，一路來到阮東勢頭這个小庄頭鐵枝路跤ê一間破厝仔蹛-落--來。又閣毋知啥款ê原因，去牽著彼个啥物攏毋知，連名連姓攏毋知ê毋-捌--ê，二人後來竟然按呢鬥陣十外冬，閣生一个後生──灶雞仔。
佇阮這款草地所在，勿講是幾十冬前彼个猶閣真pì-sù ê年代，就算是現此時，嘛罕得有外省人搬到遮徛起。𪜶彼口灶，有影是誠特別ê組合，理所當然嘛變做阮庄仔內ê名人，會當佮彼个大好額人劉仔舍齊名，不而過，一个佇天、一个佇地爾爾。
老-李--ê，人生做矮矮肥肥、福相福相，誠好笑神、誠有人緣。伊佇菜市仔ê街仔尾租一間店面，早起時賣豆奶、饅頭、包仔佮燒餅，中晝歇睏，暗頭仔又閣開始賣外省仔麵，論真講起來，實在有夠拍拼。
規年透冬，毋管透早抑是暗時；無論寒天抑是熱人，伊差不多逐工攏穿一領草綠色ê內底衫仔，鳥鼠色ê短褲tsáng仔佮彼雙烏sô-sô軍用ê布鞋。伊身軀有刺字，毋過佮一般竹雞仔彼款刺龍刺鳳、畫虎畫豹ê無仝款。伊正手爿刺「反共抗俄」，倒手爿是「殺朱拔毛」，褪腹裼ê時，閣會當看著胸坎正中央，猶畫一面青天白日滿地紅ê國旗。

佇阮東勢頭這款庄跤所在，平常時仔，就算是某某人𪜶兜ê豬母生幾隻豬仔囝，抑是某某人𪜶厝裡ê雞仔鴨仔去予鳥鼠咬死幾隻，攏嘛連鞭傳到厝邊隔壁去，何況這種轟動武林ê大代誌，聽講一下仔就庄頭庄尾通人知矣。眾人議論紛紛，十喙九勼川：
「這隻外省豬仔真正有影恬恬食三碗公呢，看袂出來，遐爾好喙斗，連這伊也哺會落去」有人按呢咧鄙相。
「你那知影是老-李--ê偷食ê？我看無定你嘛有插一跤！」有人刁工練痟話。
「這箍老芋仔這聲báu著矣，免費抾一个某，閣趁一个囝。」有人這款共摳洗。
「想袂到這个『毋-捌--ê』閣會曉生囝？」嘛有ê人hiông-hiông才去想著，毋-捌--ê竟然是一个查某人。
閒話講罔講，毋管按怎樣，大部分ê人猶是替𪜶感覺歡喜，總算二人有伴，會當相照顧。不而過，灶雞仔出世都猶未滿月咧，毋-捌--ê又閣恢復正常，透早無閒到暗，去外口咧出巡矣。士官長嘛照常喙仔笑微微，透早到暗無閒，佇店裡做生理。灶雞仔後來到底是按怎大漢ê，無人共注意，嘛無啥人知影。

看士官長逐工家己一个人舞kah滿身重汗，無閒tshih-tshih，毋捌看過伊歹過聲嗽、發過性地，不時攏是歡頭喜面、喙笑目笑。聽講，生理做煞，轉去了後，伊閣愛包辦厝內面大大細細ê工課。
「阿……無外省仔是佗一點咧毋好？遐爾好性，遐爾骨力。那像恁老爸，除了做伊ê工、種伊ê田，透世人敢捌看過伊共我鬥洗過一雙碗箸、一領衫褲？」莫怪阮阿母不時咧阿咾士官長。
所以論真講起來，老-李--ê會使講是一个庄仔內公認ê好人，干焦有一項代誌例外，就是啉酒。當然，伊毋是像阮厝邊彼隻「醉龍」按呢，逐工照三頓啉，啉kah天天醉、醉天天，落尾仔醉kah變做一尾「死蛇」。伊大部分攏是佇過年過節ê時陣，抑是其它咱外人毋知影原因ê情形下，才會啉酒。啉酒無要緊，上驚--人ê是啉酒醉了後，伊規个人完全反形、變相，親像電視台連續劇內底，彼隻去啉著符仔水，煞來現出原形ê妖魔鬼怪仝款。
「消滅萬惡共匪！解救大陸同胞！蔣總統萬歲！中華民國萬歲！」若毋是用伊彼款人聽無啥有ê外省腔，喝幾句仔咱攏記kah牢牢ê口號。
「我有一支槍，扛在肩膀上，子彈上了膛，刺刀閃寒光……」無就是用伊袂輸狗聲乞食喉ê哭調仔，唱一大堆走音又閣變調ê軍歌。
「我操你媽個屄！狗雜種！王八蛋！老子宰了你全家！」閣紲落去，伊就開始啐幹譙、摔物件、起跤動手、烏白拍人矣。
每一擺，見若看著彼工灶雞仔規頭面喙破目腫、一身軀烏青激血，毋免想就知影，士官長昨暝又閣起酒痟矣，又閣共伊當做「萬惡共匪」咧「殺朱拔毛」矣。
起頭，厝邊頭尾知影這款代誌，閣有人會好心去共老-李--ê苦勸，毋過較講嘛是攏無路用。後來，一方面想講伊拍囡仔是𪜶兜ê家內事，外人嘛袂當按怎樣；一方面看伊燒酒痟起番顛講袂huan-tshia，萬一若去搧著風颱尾加衰ê，逐家沓沓仔就當做毋知影，無愛加管閒事矣。

會記咧彼擺是中秋節ê暗時，蹛佇鐵枝路跤附近ê厝邊，又閣先聽著士官長厝裡底，傳來老-李--ê啐幹譙ê聲音；閣再來，就是灶雞仔可憐咧叫毋敢ê哭聲；照理講，紲落去應該就煞戲矣。當眾人有ê幌頭有ê吐氣，準備欲去歇睏ê時陣，hiông-hiông，聲音又閣響起，無仝款ê是這擺換做是一个查某人出力咧啐幹譙，猶有一个查甫人悽慘咧喝救命ê叫聲。
一寡人感覺較奇怪，趕緊傱-過--去。無看無代誌，看一个險驚死：灶雞仔頭青閣目腫、勼跤兼攝手、宓佇壁角頭；老-李--ê身軀褪光光、四跤拔直直、倒咧塗跤兜；毋-捌--ê規箍人坐佇士官長ê腹肚頂，一手扭士官長ê頭鬃、一手提研麵粉ê柴箍，大力一直摃、大聲一直譙……
江海伯仔佮金水叔仔膽頭較在、跤手較緊，一个趕緊出手去共阻擋、一个大聲走去喝救人。彼暝，老-李--ê予救護車載去省立病院急救，毋-捌--ê嘛予警察車載去派出所拘留。
是講運氣好，眾人緊發覺，經過透暝ê手術、搶救，士官長雖然傷勢不只仔嚴重、佳哉性命無啥物危險，佇病院蹛一禮拜外，人就出院矣。毋過，自伊精神起來到轉去厝裡，無論警察按怎問，伊ê講法攏仝款，干焦會記得彼暗啉酒了後，人就醉kah睏去矣，後來到底發生啥物代誌，伊完全攏無印象。
毋-捌--ê佇派出所關一暝，隔轉工，就算管-區--有喙講kah無涎，根本都問袂出一隻蠓仔胡蠅。後來，雖然共移送去地檢處，因為傷害罪是告訴乃論，士官長無要無緊、堅持無欲提告；毋-捌--ê悾悾戇戇，又閣毋知半項，檢察官就準拄好去，無共起訴。
彼擺代誌過後，李--家基本上無啥物改變。老-李--ê仝款逐工透早就出門，無閒做生理，天暗閣轉來厝裡煮飯、洗衫、款內頭；毋-捌--ê逐工仝款透早就出門，拋拋走、四界趖，天暗才轉來厝裡倚稠、食飯、過暝；灶雞仔仝款無人去注意，平時伊是按怎過生活、後來伊是按怎轉大人？
「想袂到這个毋-捌--ê力頭遐爾大、性地遐爾歹，聽講老-李--ê予伊拍kah哀爸叫毋喝毋敢，跪佇塗跤做狗爬，差一點仔就無命去。」
「逐擺啉酒醉就欲起酒痟，想講無人有伊ê ta-uâ？結果假痟煞去遇著真痟，這箍老芋仔這擺有影去踢著鐵枋仔矣！」
「明明都好好ê一个人，哪會見若食酒就變相，無定著伊心肝內，真正有啥物秘密抑是苦情嘛有可能？」李--家無啥代誌，顛倒是庄仔內ê人，又閣佇尻川後留一大堆話屎。
無論別人閒仔話按怎講，老-李--ê攏當做無聽著。平常時仔，伊照常咧認真拍拚做工課，過年過節猶原會啉酒唱歌喝口號。不而過，有一點無仝款，伊酒醉了後，袂閣再像以前按呢啐幹譙、摔物件、起跤動手、烏白拍人矣。干焦會曉倒佇塗跤，開始先踅踅唸、紲落閣哞哞吼，逐擺攏唸kah喙涎流、吼kah目屎滴，毋知是咧唸啥物、吼啥貨？有一工，伊仝款啉酒醉倒落去了後，就無閣再起來矣。
老-李--ê過身無偌久，灶雞仔嘛對國小畢業，去台北講欲做烏手、拍天下，後來煞變做殺手、走江湖。
毋-捌--ê又閣恢復家己一个人ê生活，仝款逐工透早就出門、四界賴賴趖。除了阮本底ê十三聯庄，伊繼續向東，𬦰過山仔跤，去到瓢仔寮ê山內斗底；伊一路往西，伐過急水溪埠岸，來到三股仔ê海口方面；伊有時現身佇南爿烏山頭水庫ê附近；伊有時露面佇北爿鹽水港街頭，伊行踏ê範圍愈來愈闊、愈來愈遠，強欲踏遍規个南瀛地帶。

最佳賣點

最佳賣點 : 悲歡哀怨、真假虛實，人生就是如此
《毋-捌--ê》內容取材個人成長經驗及鄉里故事，具個人傳記暨家族敘寫之意義，同時呈現一定地方色彩，語言流暢，故事動人。

活動

• 7/31前 全站滿$1,600享92折
• 7/31前 全站滿$5,000享9折