超譯的台灣俗語: 飛佇榕樹跤的台式幽默 | 誠品線上

超譯的台灣俗語: 飛佇榕樹跤的台式幽默

內容簡介

內容簡介 《超譯的台灣俗語》共收錄60篇介紹各式台灣俗語的文章，作者以推展臺語文學藝術現代化的觀點來詮釋歷代流傳的台灣俗語，構思「紙上小劇場」的表達形式，以幽默、旁徵博引且插科打諢的敘事風格，期待超脫傳統的樣板，談笑間提帶出這份「正港由台灣這塊土地上的人事物滋養出來的，以台語為載體，融合歲月、閱歷、感情佮智慧所蘊育的浮生情調」，賦予民間口傳文學新的意象，以及更活潑多樣的風貌與閱讀情趣。

作者介紹

作者介紹 陳建成近年簡歷．2018～2026年，〈臺江臺語文學〉季刊總編輯，臺南市政府文化局出版。．2025年著作台語詩集《旅途光影》．2024年著作台語小說《平行時空中的烏托邦》．主編〈府城的奇幻旅程——走揣小封神的傳奇〉，臺南市政府文化局出版。．著作〈決戰西拉雅〉，首部由國立臺灣文學館出版台語劇本，後續臺南市政府教育局另出版台英雙語版，以及越南世界出版社以越南文出版發行。．著作〈王城劍獅／安平港的奇幻旅程〉，安平文教基金會出版。．著作〈城東風華／東區，台南的新樣子〉，安平文教基金會出版。．著作音樂歌舞劇本〈戀戀大員〉(謝銘祐作曲)，臺灣海翁台語文教育協會出版。．著作〈浪人詩集〉，開朗雜誌事業有限公司出版。．文化雜誌〈臺南都會報〉總編輯，獲2014年文化部最佳社區報獎。．臺南市文化基金會〈王城氣度〉月刊總編輯，入圍2007第三十一屆行政院新聞局金鼎獎「最佳新雜誌獎」。．李江却台語文教基金會主辦與出版，〈2008詩行〉第一屆台灣母語詩人。

產品目錄

產品目錄 自序〈飛佇榕樹跤的台式幽默〉.. . . . . . . . . . . . . . . . . . . 6 角色紹介.. . . . . . . . . . . . . . . . . . . . . .. . . . . . . . . . . . . . . . . . 12 1. 一丈差九尺.. . . . . . . . . . . . . . . . . .. . . . . . . . .. . . . . . . . . 20 2. 一隻牛剝雙領皮.. . . . . . . . . . . . . . . . . . . . . . . . . . . . . . . 22 3. 一个童乩，一个桌頭.. . . . . . . . . . . . . . . . . . . . . . . . . . . 25 4. 一粒田螺煮九碗公湯.. . . . . . . . . . . . . . . . . . . . . . . . 28 5. 一隻蝨母嗙甲水牛大.. . . . . . . . . . . . . . . . . . . . . . . . . . 30 6. 十喙九尻川.. . . . . . . . . . . . . . ... . . . . . . . . . . . . . . . . . . . . 33 7. 人牽毋行，鬼牽溜溜行.. . . . . . . . . . . . . . . . . . . . . . . . . . 36 8. 乞食下大願 .. . . . . . . . . . . . . .. . . . . . . . . . . . . . . . . . . . . . 38 9. 乞食趕廟公.. . . . . . . . . . . . . . . .. . . . . . . . . . . . . . . . . . . . . 41 10. 千金買厝，萬金買厝邊.. . . . . . . . . . . . . . . . . . . . . . . . . 44 11. 牛就是牛，牽到北京也是牛.. . . . . . . . . . . . . . . . . . . . . 4712. 白白布染甲烏.. . . . . . . . . . . . . . . .. . . . . . . . . . . . . . . . . . 49 13. 用別人的拳頭拇舂石獅.. . . . . . . . . . .. . . . . . . . . . . . . . . 52 14. 未曾學行先學飛，未曾掖種想挽瓜.. . . . . . . . . . . . . . . 55 15. 仙人拍鼓有時錯，跤步踏差啥人無.. . . . . . .. . . . . . . . 58 16. 死蛇活尾溜. . . . . . . . . . . . . . . . . . . . . . . . . . . . . . . . . . . . 60 17. 死道友，無死貧道. . . . . . . . . . . . . . . . . . . . . . . . . . . . . . 62 18. 先生緣，主人福.. . . . . . . . . . . . . . . . . . . . . . . . . . . . . . . . 66 19. 有一好，無兩好.. . . . . . . . . . . . . . . . . . . . . . . . . . . . . . . . 70 20. 有錢補冬，無錢補鼻空.. . . . . . . . . . . . . . . . . . . . . . . . . . 73 21. 好好鱟刣甲屎那流.. . . . . . . . . . . . . . . . . . . . . . . . . . . . . . 76 22. 好額毋值著會食，好命毋值著勇健.. . . . . . . .. . . . . . . . 78 23. 別人的囝死袂了.. . . . . . . . . . . . . . . . . . . . . . . . . . . . . . . . 81 24. 刣頭生理有人做，了錢生理無人做.. . . . . . . . . . . . . . 84 25. 青盲的毋驚銃.. . . . . . . . . . . . . . . . . . . . . . . . . . . . . . . . . 87 26. 長工望落雨，乞食望普渡.. . . . . . . . . . . . .. . . . . . . . . . 9027. 侵門踏戶.. . . . . . . . . . . . . . . . . . . . . .. . . . . . . . . . . . . . . . 93 28. 俗物食破家. . . . . . . . . . . . . . . . . . . . . . . . . . . . . . . . . . . . 96 29. 枵鬼假細膩. . . . . . . . . . . . . . . . . . . . . . . . . . . . . . . . . . . . 98 30. 袂曉駛船嫌溪狹.. . . . . . . . . . . . . . . . . . . . . . . . . . . . . . . 101 31. 袂曉剃頭，拄著鬍鬚.. . . . . . . . . . . . . . . . . . . . . . . . . . . 106 32. 看人食肉，毋通看人相拍.. . . . . . . . . . . . . . . . . . . . . . . 109 33. 相罵無揀喙，相拍無揀位.. . . . . . . . . . . . . . . . . . . . . . . 112 34. 相命若無褒，趁水食都無.. . . . . . . . . . . . . . . . . . . . . . . 116 35. 食無三把蕹菜，就欲上西天.. . . . . . . . . . . . . . . . . . . . . 119 36. 食著藥，青草一葉；食毋著藥，人參一石... . . . . . . . 121 37. 倩鬼拆藥單. . . . . . . . . . . . . . . . . . . . . . . . . . . . . . . . . . . . 124 38. 敆藥仔行去棺柴店. . . . . . . . . . . . . . . . . . . . . . . . . . . . . 127 39. 做公親，貼本.. . . . . . . . . . . . . . . . . . . . . . . . . . . . . . . . . 129 40. 魚還魚，蝦還蝦.. . . . . . . . . . . . . . . . . . . . . . . . . . . . . . . 132 41. 偷拈偷捻，一世人欠.. . . . . . . . . . . . . . . . . . . . . . . . . 134 42. 細漢偷挽匏，大漢偷牽牛.. . . . . . . . . . . . . .. . . . . . . . . 139 43. 做官若清廉，食飯著攪鹽.. . . . . . . . . . . . . . . . . .. . . . . 14144. 第一戇，種甘蔗予會社磅.. . . . . . . . . . . . . . . . .. . . .. . . 144 45. 痟貪軁雞籠. . . . . . . . . . . . . . . . . . . . . . . . . . . .. . . . . . . . 147 46. 買賣算分，相請無論.. . . . . . . . . . . . . . . . . . . . . . . . . . . 149 47. 棚頂做甲流汗，棚跤嫌甲流瀾.. . . . . . . . . . . . .. . . . . . 152 48. 飼鳥鼠，咬布袋.. . . . . . . . . . . . . . . . . . . . . .. . . . . .. . . . 156 49. 嫌貨才是買貨人.. . . . . . . . . . . . . . . . . . . . . .. . . . . . . . . 159 50. 過橋較濟你行路，食鹽較濟你食米.. . . . . . . . . . . . . . 162 51. 豬毋大，大對狗去. . . . . . . . . . . . . . . . . . . . . . . . . . . . . 164 52. 豬頭毋顧，顧鴨母卵.. . . . . . . . . . . . . . . . . . . . . .. . . . . 166 53. 賣茶講茶芳，賣花講花紅.. . . . . . . . . . .. . . . . . . . . . . . 169 54. 龜跤龜內肉. . . . . . . . . . . . . . . . . . . . . .. . . . . . . . . . . . . . 172 55. 膨風水雞刣無肉.. . . . . . . . . . . . . . . . . . . . . . . . . . . . . . . 17456. 錢四跤，人兩跤.. . . . . . . . . . . . . . . . . . . . . . . . . . . . . . . 176 57. 燒瓷的食缺，織蓆的睏椅.. . . . . . . . . . . . . . .. . . . . . . . 179 58. 龍交龍，鳳交鳳，隱痀的交侗戇.. . . . . . . . .. . . . . . . . 181 59. 戲館邊的豬母，袂歕簫嘛會拍拍.. . . . . . . . . .. . . . . . . 184 60. 嚴官府出厚賊，嚴爸母出阿里不達.. . . . . . . . . . . . . . 187

商品規格

試閱文字

自序 : ………
我出世佇遮
有一日嘛會過身佇遮
庄頭內的老人
來我的身軀邊食薰
講所知的
佮所臆的
活久無輕無重的詼諧
一代交接一代……
──〈浪人詩集∕山城古榕〉

〈山城古榕〉是我2008年出版的〈浪人詩集〉內面其中一首，第2段所描寫的彼陣佇榕樹跤泡茶開講的老人，山城廟邊心適的景緻。
早前有一段時日，拄好有機緣會當倚近觀察詩中這群老人的「開講文化」，體驗平常時難得接觸的一面。這陣老人多數是附近的居民，下晡時閒閒會騎車，或者散步行來榕樹跤的石桌聚會，泡茶開講，到黃昏才隨人轉去。有時陣不止仔熱場， 連疊佇樹邊ió-bih（預備）的塑膠椅仔也攑落來坐甲無夠，講了若紲拍（suà-phah 暢快），天暗矣序細來叫欲食飯嘛猶毋甘走。
其中，予我感覺心適的，並引發深思的情境，是這陣老人多數已經卸落家庭經濟的擔頭，行動猶閣自如無礙，有一份活久世事看濟的通達佮輕淡，連講著生死的話題也詼詼諧諧，談笑帶過，彷彿已經看出人世間無啥物真正重要的代誌。也因為𪜶經歷過歲月的洗禮，人生無常的風浪，互相佇應對之間，隱隱形成一款微妙的敘事風格：
這款風格，淡薄仔像美國早期藍調（Blues）的演奏── 隨興、和諧，無拘束踮任何形式，也無任何特別的音樂結構，感情佮風格飛佇流動的旋律裡。
榕樹跤，這群老人的開講並毋是全然無禁無忌，無負責任拖咧烏白講烏白練，顛倒是出自超脫世俗普遍的價值觀，已經通透人情世事的底線，佮鋩鋩角角（mê-mê-kak-kak 稜角）， 所以轉頭斡角的所在自然的知通撙節，會盡量點著為止，無偏激的情緒，也袂礙著同伴之間的和諧。
　　佮文學創作的理路仝款，對族群母語的運用，已經演化出濟濟藝術性的技巧矣 ！有時一語雙關，有時話中帶話，有時嘛會故意倒頭練（講顛倒反的話，或如當下所謂的「高級黑」）；有時會假仙假觸，就愛深交的老兄弟才知通「打鼓聽尾聲」；有時會烏龍踅桌，像佇雲霧中彎斡飄徙，共人牽咧戇戇踅，掠無葫蘆裡到底賣啥物藥仔；有時若像講甲足正經，其實是咧拍抐涼（phah-lā-liâng即興閒扯），享受創治別人的樂趣；有時顛倒反，若像咧拍抐涼，其實是用講笑的方式咧點拄（tiám-tuh提點）入局的當事者，若聽有就知通謹慎應對，若條直聽無嘛無法度，隨緣隨命；有時講甲虛虛實實樂暢樂暢，弦外之音綴榕鬚佇風中飛咧飛咧，無輕無重無要無緊──凡勢這正是伊當下的心境，無在意啥物才是重要的……等等，佇歲月、閱歷、感情佮智慧的融會之下，交織出形形色色的紋理，深深淺淺的變化。
以我台文寫作的體悟，這款生佇榕樹下，佮「台語」盤錯依倚的「心適氣」（sim-sik-khuì 趣味性），正正是台語文化的精妙之處，用台語以外的任何語文來書寫容易失真，也足歹表達出伊內在的精髓，就算以文壇上袂少人使用的，摻濫華語的半精白（puànn-tsiann-pçh半肥半瘦）台文，恐驚嘛勉強有法度表達一半爾爾，而且可能會詮釋著較粗淺、較無趣味的彼一半。
所以，只有回溯到寫作的源頭用台語思考，用台文稽考、斟酌落筆，才會得較傳神的呈現原貌，引𤆬（ín-tshuā帶領）讀者深入體會箇中的奧妙。
　　後來我陸續觀察過幾个無仝地區的老人聚會，發覺攏有明顯相通的特質，尤其是語言運用方面──這款講甲天南地北上山落海，看似無邊無岸的話題，卻無離日常用語的表達；這款看似隨機任意組合的話句，卻無論是語詞佮語法的運用，或者群體互動形成的風格、調性，和歷來流傳的「台灣俗語」的性質非常鬥搭（tàu-tah契合）。所致也引我推測平時所聽著的各種台灣俗語，可能多數是對各地的榕樹跤開講孵（pū）出來的，佇四界流傳的路途上，隨民眾的共鳴、引用，或者加工si-á-geh（潤飾）而漸漸結晶成形，演化做民間的集體創作。
　　2018年我接手編輯〈臺江臺語文學〉的時，佇推捒台語文學藝術現代化的進程中，一方面向望會當兼顧著傳統的文類，另一方面家己也不止仔佮意頂面所提的，正港由台灣這塊土地上的人事物滋養出來的，以台語為載體，融合歲月、閱歷、感情佮智慧所蘊育的浮生情調──濟濟妙不可言的「台式幽默」，就寓藏佇咱家己的族群文化裡。
　　所以，我開始構思欲按怎共這个特色取提出來，進一步帶入文學的藝術性，予推捒傳統的「台灣俗語」多元化，毋止是紹介佮解說的功能爾爾，也會當順勢發揮，親像斟出（thîn-tshut）沉佇甕底的好酒，予內容更加豐沛趣味，予讀者更樂於閱賞。
　　為著欲營造頂面所講的，彼款「虛虛實實樂暢樂暢，綴榕鬚飛咧飛咧無輕無重無要無緊」的詼諧情境，我引用寫劇本的經驗，實驗性的以「紙上小劇場」的概念，創造兩个主要的角色出場演繹，一个「阿昆」，一个阿昆的老爸「天寶伯仔」，由「阿昆」擔任主講，佇紹介、講解俗語的過程中，藉由「天寶伯仔」會隨機插喙，爸仔囝兩个七講八講往往會離題，互相消遣練戇話、拍抐涼，牽對十三天地外去，致使造成「超譯」的情形，每一期隨機詮釋無仝的主題。
基本上，「阿昆」這个角色設定為生活佇南部庄頭內的讀冊人，有淡薄仔學識佮理想性格，有法度像授課按呢共鄉親紹介台灣的俗語，並舉例來做比喻，不而過講歸講，若拄著愛實際去做的代誌，比如想欲出外去創業發揮家己的夢想，就會因為欠缺實際的社會閱歷，以及會拄著一寡仔莫名其妙狀況而脫箠（thut-tshuê出差錯）去，並有真懸的機率會連累著別人。
　　「天寶伯仔」是阿昆的老爸，伊比任何人攏較了解阿昆，驚阿昆出外予人騙去食虧，或者發生各種無法度預料的狀況，害伊不得不出面去共收尾。所以，反正厝裡的經濟算袂䆀（bē-bái不錯），寧願共阿昆留踮身邊鬥跤手，予逐家攏較安心。阿昆咧共鄉親講解俗語的時，伊會熱心參與，踮邊仔加減插幾句仔，佮逐家心適一下，但是若發現阿昆想欲出去做啥物頭路的時，就會趕緊嚴肅阻止，因為根據伊的經驗知影一定會造成損失，只是無法度預料會損失到啥物程度爾爾。
　　就按呢，這本〈飛佇榕樹跤的台式幽默──超譯的台灣俗語〉，就交予阿昆爸仔囝出場來詮釋，關於「超譯」的部分，原則上予自由發揮，欲講甲飛天鑽地或者移山倒海攏無要緊，不而過會盡量撙節踮一般人有法度理解的範圍。

試閱文字

內文 : 一丈差九尺
Tsi̍t tn̄g tsha káu tshioh.
解說：
　　用嗙大的方式來形容差別相當大的事物，好比提一丈 的物件和一尺的物件比較，一睏頭就相差九尺或者十倍 矣。有比喻離譜的意思。另外，老一輩的人較古意，較有社會經驗，有時會聽著對方所講的是錯誤的，或者佮實際的情形顛倒反，為了避免傷著和氣，無想欲直接明指對方錯誤，也會採用一句俗語先婉轉否定（毋是講了毋對，只是差較濟爾爾），然後再做說明。
隨風超譯：
　　這句俗語不止仔心適，一般來講，差別足大的事物， 逐家一看就知影，毋免閣費力去解說。所以，通常會用佇有人對某一件代誌講了傷離譜去，或者對無合情理事項， 有意無意想欲含糊準過的時，故意以淡薄仔詼諧的口氣放大差距，突顯離譜的程度，然後陳述實際的情形來指正對方。
　　比如講，若有人共你講路邊的田園裡有兩隻牛，生了真仝款。經過你實際比較了後，發現兩隻毋但外表完全 無仝，連身材體格嘛差足遠，只不過是名頂面攏有一字「牛」爾爾，一隻叫「水牛」，徛佇塗跤咧食草，一隻叫「牛犅𨂿」（gû-káng-uainnh 天牛），歇佇樹頂咧食樹汁。
　　若按呢，你就用會著這句「一丈差九尺」矣！同時嘛愛觀察伊敢是頭殼或者目睭有問題，趕緊叫伊去予醫生檢查看覓。

最佳賣點

最佳賣點 : 《超譯的台灣俗語》共收錄60篇介紹各式台灣俗語的文章，作者以推展臺語文學藝術現代化的觀點來詮釋歷代流傳的台灣俗語。