坑水邊个太陽鳳仙: 客話詩文集 | 誠品線上

坑水邊个太陽鳳仙: 客話詩文集

內容簡介

內容簡介 涯選擇柔柔欸坑水慢流有聲像無聲默默做不張揚年長月久見真情一定愛摎佢尊重不妄加添話誌人人各有型型各有色色不同唯一佢 本書為《詩文十陋 陋室留》福音增修版。增編者黃金湖看過劉明猷著作後，深覺該係石堆中个鑽石，盡少人會恁樣寫文章囉。佢心肝想，若係詩文中有鑲入福音信息，就做得擴大讀者範圍，俾十過萬台灣个客家基督信徒（大陸摎海外上千萬），有意願來看到佢，來分享鄉土信主人个平安摎眼光。 ★本書文案使用眾多客語字，礙於讀者電腦可能沒有安裝專用字體，故節錄文章部分客語字特轉為相近用字，方便讀者閱讀，萬請見諒。＊ 星號註記為本書增編者黃金湖所編寫的文字之註腳。

作者介紹

作者介紹 作者簡歷劉明猷1954年生於臺灣苗栗，東海大學畢2009年公職退休曾任客委會客語薪傳師、教育部樂齡教師嘗試以客語書寫或記錄現遁世樂活 於客庄 平澹居 【作品】客家妹仔个心腹聲︱2014（梁純綉著，劉明猷錄音）學客話，快樂遶嘉義︱2023（劉明猷文，潘朵拉圖）去南田古道挖寶：在諸羅︱2025（劉明猷文，潘朵拉圖）一杯淡茶 庄頭話︱2015對面山下 雙堂屋︱2017層層疊疊 三層山︱2018鴨四妹个 字簿仔︱2019五福臨門 門生祥︱2021六喜納戶 戶啟瑞︱2022七巧如意 意順心︱2023八方暢遊 游於藝︱2024酒醇係文 文傍酒︱2025詩文十陋 陋室留︱2026坑水邊个太陽鳳仙︱2026（劉明猷著，黃金湖增編） 增編者簡歷黃金湖 1951年生於台灣新竹縣省立新竹中學，東海大學生物系，台灣大學海洋研究所畢客神客家宣教碩士曾任大學講師、美國Rutgers大學訪問學者台灣崇真會董事長【譯作】《實用生化工技》《孩子是值得的》【作品】《坑水邊个太陽鳳仙》（劉明猷著，黃金湖增編）

產品目錄

產品目錄 序言【推薦序】 文華十年 張秋臺2【自 序】 講十句就毋當做一件 劉明猷7【黃 序】 坑水邊个太陽鳳仙 黃金湖11 【散文】一元為始 十圓滿14人心難測 水難量18人情世故 紅白帖22分爨後27水流長31仗老 毋好賣老36庄伯姆40行尞客庄 美濃庄45坐尞講嘴 過冬節52客家文學細河壩56哪來个定心丸62寄情在藍天白雲66細倈人轉妹家71遊山玩水 度閒情77講起 吾家娘81轉頭．回想過往86 【新詩】三情三義92大蛇屙屎96山城 台六線100山海戀104天外飛來个108日愐夜想112冬下 夜半 風聲116本道仙 自有妙計120生活 生命 生趣124交到 雙立春128有一戶人家132有人做戲 有人看戲134有出空 無出空138有孝 毋係從嘴出142老 孤老 獨老146自恨枝無葉150你 何德何能154囥深深个情感158更深夜靜163育 苗166走馬燈170東山晴來 西山雨174空言一句178為自家做一項182為著感動 為文一篇186相 望190看雲講淡 聽風說輕194秋日 水塘 遶山花198家貧 志難養200捎句細話 揬你知 204浮塵散記210消痰化氣214茶 泡茶 泡好茶218茶山人 講茶222送 一束光226做功德230堅霜耐雪234情有所歸 心有所託238掛串風鈴 等風起242喫 甜粄244富在深山ｖｓ．貧居鬧市248無出火煙252等 該陣日頭雨256虛虛實實260虛實之間264跈上跈下268閒在屋下 學繡花272微風柳枝 水塘邊276煲 一鑊爌肉280過 日 仔284過往个青春288過往君子 你在哪291滿月缺月都係月295遠粗俗 近高雅299樂齡摎涯 倆相看302質 樸305養魚養水 養人養心309燭心棉線藏慈暉313還有 欠麼个無317攬揫來 莫戇哪321涯一直都 還在323涯乜 無宕工327涯問青山 在哪位331 【附件】客神之歌3362025客神之歌（海陸腔）3382025客神之歌（四縣腔）339

商品規格

試閱文字

推薦序 : 節錄自〈推薦序：文華十年〉／張秋臺
　
　　文才與馬力十足的摯友——明猷，第十本大作，即將隆重問世，這是世間難得有的文壇盛事。
　　作家明猷並非名門正科出身，早先服務於苗栗中油公司，之後轉職縣文化局，其所以從事寫作，可從其因果修為行踏，而現其端倪，其來有自，而非偶然。
　　明猷他，心地良善正派，處事問學認真實在，更可貴的是，侍母既孝且順。在公館郵局旁的平澹居簷下，每每一張矮凳，坐在母親膝前，母子呢噥問暖的孝親景象，現世難見，令我感佩。待母如此尊賢亦如是，他對仁光幼兒園的王修女和頭份的林月嬌老師，實為真誠至義。一位是宗教熱忱、無私奉獻給苗栗、公館地區婦幼，一位是以音樂合唱指導，知名全國。她們默默無私、全力奉獻於教育文化的善舉，博得明猷尊敬，數十年如一日，尊師重道待師如母，主動服膺關照，無所不至。默默為善，不為人知，是高貴的情操，這番情意也令我感佩之至。
　　他自謙是文化素人，在客庄走過半輩子，客語交談是生活之日常。在平澹居，我們無數次的暗夜茶飲、話客，對鄉里流傳之雅俗詩句或歌謠典章故事之精妙暢談賞析，深刻熱衷。偶爾也對當下客家地區、客話消失、大人不教，細子不學、普遍不講客現象，感到擔憂惋惜。也對春秋鼎盛充滿熱情的他，期許激勵，望渠積極參與投入客家語言文化之採擷與傳揚。於是，首先參加鄉語文競賽——客語演講，一舉在鄉、縣賽皆奪魁；進而代表參加全國賽，有幸壓倒群雄獲冠軍榮譽。一舉三冠，足見其道地客話、自身內涵及表達之堅強實力。繼而鼓勵大女兒遠嵐、妻子美珍參賽，亦獲全國第二、三名之佳績。因是一門俊秀，蘭桂騰芳，在鄉里間一時傳為佳話，堪稱模範客語家庭，實至名歸。
　　盛名之下，各級參賽者絡繹前來請教正音、改稿求稿、台風指導，這頻來應接，幾乎佔了他每半年工作時間。得名師必出高徒，學生後輩得獎無數，其優異表現，也因此被縣府禮聘為參賽者之專屬指導老師及各級比賽評審。而接受各校聘為客語薪傳教學，幾乎難以分身。對於非教育界出身之素人，卻在教育界佔得一片天，是異數；也是有為必成的正面啟示。多年來無數的應急寫稿，逼出了他下筆神速的本事，奠定也練出寫作的基礎。因此在順水推舟，水到渠成之下，他從立功立德，而萌發立言寫作發想，是於在二零一五年，他的人生第一本著作《一杯淡茶 庄頭話》出版了，繼而有雙堂屋、三層山陸續問世，他年復年不曾誤點。一晃十年，常人空轉一事無成，唯獨他有此本事不誤期中輟，十年十本，這真是：世間難得有，唯獨明猷，有此能耐，實實在在，一一完成。
　　個人淺學孤陋，但對存在界的是非、善惡、美醜，還是有所感覺的，相知相交數十年，這十本著作，就是完全體現明猷本尊的真面目真性情之真實寫照。從書名特殊，及不外求而自力出版，乃至堅持以客家原味和文字推敲寫作，可以看出他的傲骨和真情。
　　其全部著作之書寫表達風格，可看出有現代詩的影子，卻看不到浪漫、打高空、虛幻唯美的麗影。他平鋪直敘、直鼓打直錘、簡潔樸素、不矯揉不造作的純客家正典詞彙語句，表現其獨有的寫作風格。內容都是在地，往古來今之人文故事或左鄰右舍之閒話家常；舉凡農漁商賈、天時地利、鄉情舊事，小自個人兒女，大至國家大局……，都是他筆下的題材，有敘事有評議，有建言有期望，十年週遭所見所聞、所喜所惡，盡在筆下真實呈現。從著作中可觀知印證書如其人、人如其書，不論內容形式，在客語日漸消失的當下，他已為在地客家、語言文化，交出亮麗的成績單，更豐富客家珍貴之文化財。個人不敢為序，只是敘述明猷多年為人處事、力學進取的事蹟，真實記現。際此，衷心期待再有無數個十年創作，更有無限的生命亮麗華彩，是以為盼。

試閱文字

自序 : 節錄自〈自序：講十句就毋當做一件〉
　
　　一路行過來，收穫盡多个就係涯自家，寫罔寫、繡罔繡个過程肚，毋敢誇言講成就這兩隻字，放膽去講僅可係講略略欸有成績單。乙輯拾本來圓滿出版，在退休後个餘命餘生，繼續做自家想做个頭路，為理想為願望還能夠獨力獨行，不為財名權勢無需為三餐溫飽，就係行有餘力之後，過進一層个個人行踏。完完全全做自家且又我行我素，添放忒日常个柴米油鹽，輕忽了日常个左鄰右舍，緊想愛寫出乙篇好文章。到今，本本難實現，故所愛繼續努力向前行，等待有時有一日，若係花來盛開。
　　曾經个過往，有人毋瞭解或者講毋罅徹底瞭解 ，何嘛死苦來為難你自家，這款个頭路拿來做。清閒个阿公毋做，顛倒領付豬頭來煠，這種人一定毋係一般人，又怪性怪癖，笑罵由你、涯無計無較，涯做涯定著。其實，內心世界个一句話，｢講十句就毋當做一件｣，方向對、能力罅、機緣在，千山萬水深潭峻嶺總怕驚有心，肯行就會到。

試閱文字

導讀 : 〈【黃序】坑水邊个太陽鳳仙〉／黃金湖
　
　　看過明猷著作後，深覺該係石堆中个鑽石，盡少人會恁樣寫文章囉。心肝想，若係詩文中有鑲入福音信息，就做得擴大讀者範圍，俾十過萬台灣个客家基督信徒（大陸摎海外上千萬），有意願來看到佢，來分享鄉土信主人个平安摎眼光。
　　摎明猷談了涯个想法，佢一口應承合作，一下仔，涯背後个雞嫲皮就膨起來……深知該係對聖靈來个感動，愛涯去做成，涯就完成了福音个增修版。
　　遽遽送俾龍潭客家宣教神學院院長溫永生博士看，看佢个意見仰般？佢用賴（LINE）摎涯講：｢黃長老平安，看了幾篇您有加註的文章，的確這本書很有保存客語的功能，加上您的福音註腳，又帶出介紹基督信仰的作用，很不錯，若能出版是好主意。｣
　　涯毋信 涯毋信 食過半夜靡 正知主恩義
　
*我以我的良人為鳳仙花，在隱基底葡萄園中。《雅歌》1 : 14
*良人指耶穌基督，此爲共識。

試閱文字

內文 : 〈跈上跈下〉
　
親不親 血脈親
自出世 經成長 到壯年 至成家立業
雙肩㧡起 對家庭个職責
上有雙堂 下有嫩子
每儕人个 經歷過程 都共樣

有人辛苦 煞猛 打拼 都還未必舒適安定
有人命靚 好運 幸福 交腳閒尞日仔照過
係好係壞 一言難定論 好壞本就係相對論
靚媸無比止 就看摎麼人比
中意較慘死 死苦合意執性

大環境 大命運 大八字 大地理
先天个 交分天 後天个 靠自家
細細仔 跈爺跈哀 跈上跈下 像跈龍
慢慢欸 日漸發育長大 有自家个朋友
愛離開屋下 愛出外讀書 愛學交朋結友

時間經過三十年後
大个大 老个老 畢竟時序个推移 從無停止
過去个 跈上跈下
現下个 載上載下
係動物性 乜係人性

出去聽 出去看 多聽多看
換一種空間環境 多一樣思考方式
都市个生存態度 鄉庄个生活命觀
賺錢个方式 消費个方式
服務他人 摎 為他人來服務

因爭你來 涯正有服務就業个機會
歡送你去 涯真誠執禮希望再過來
消費者 毋係大老爺 學做高水準个人客
接待者 毋係低一級 學做專業服務至尊
人人 自家信仰愛企核 *
錢銀 係支付个工具 並毋係買賣交易
尊重 係基本个態度 並毋係誰大誰小
　
＊ 《以弗所書》6 : 14。多指在真道、信心與屬靈爭戰中持守立場。
　
〈水流長〉
　
　　食共條水个上屋伙房，西河堂林屋，就落腳起屋在東片山排下。過等日出早䟘巡田水，開始欸逐日逐日農莊生活个日常作息，一直愛等斷烏日落時節，正會㧡㧡擔擔來轉屋。一日到暗就係恁樣，耕山耕園耕坵田，頭戴笠嫲背向天，顧屋顧餐顧家人，期待子弟出頭天。
　　客家女性——阿婆阿姆大嫂大姐老妹這兜儕，都無多話个認分又宿命，總知愛煞猛做事、老實做人，天公爺一定毋會空過你。勞力勞動力係大農業社會个本德，萬萬毋敢奢想愛有話語權摎經濟權。今晡日个涯，在家從父、嫁出從夫、夫死從子，對上愛有孝家官家娘，還愛擔起傳宗接代耕田降子个責任，對下愛養育教育一群大細，雙肩承受等个有形無形壓力，乜算係有重不輕哦！
　　阿香姨，係姐公姐婆个一個｢嘍竇女｣。從今推算當年，大約欸怕有完百年前恁久哩。這故事个由來，乜係聽阿姆生前，倆子哀在
　　亭仔下坐尞講嘴時節，講來講去無意中講出來个，說者無意聽者有心。話講該當時，姐公姐婆係仰般惜又仰般有心，驚就驚分上家下屋鄰舍講，反正別人个子弟揇過來个，毋係自家身下出个，無盡惜，乜係人之常情。
　　有一擺，香姨講出嘴，想愛去轉妹家一轉。照家規一定愛先同世大人講一聲，雖然係，近近欸兩十分个行路腳程，乜共樣愛先講，等大人點頭應好後，正開始來款包袱。就在這央時，姐公有交代，先摎該領出外著个布紐仔衫，洗淨晾燥再過拿去榻榻米底下矺平來，天光日轉妹家好著。耶穌講：毋好為著食麼个、著麼个來愁。無簡單噢。 *
　　總算，等到五更雞啼天普光，掀起榻榻米，拿出該領有布紐仔布絆仔、老實合大方个靚衫，擐好等路手信，就好來去嘍。臨出發前，姐公佢，又特別將香姨身項个該恁多粒布紐仔、布絆仔，整正來挷襯來，一切無他，都為了愛分人看到整齊又萋躍个鄉庄細阿姐，來轉妹家哩。見面好印象，分人揇過去个該頭，日仔怕過來勉勉欸呦，看厥个外表就知，來印證古諺語所講，｢先敬衣裳後敬人｣。
　　客家男性做人爺仔儕，盡少乃至於毋識聽著，對子弟講出一聲涯愛你。但普遍將心意化作行動，一舉一止之間，會像山壢該條山溪水，流流流流日夜流，父愛子爺情，會係剪毋斷、訴不盡个點點滴滴山坑水。姐公香姨布紐衫，堪比水流長、長流水。
　
＊《馬太福音》6 : 25

最佳賣點

最佳賣點 : 本書為《詩文十陋 陋室留》福音增修版。

活動

• 6/15前 全站滿$1,600折$150
• 6/15前 全站滿$5,000折$550
• 6/15前 圖書滿$1,000折$100
• 6/15前 全站滿$2,800折$300