百年客諺客英解讀 | 誠品線上

百年客諺客英解讀

內容簡介

內容簡介 《客英大辭典》（A Chinese-English Dictionary, Hakka-Dialect as Spoken in Kwang-tung Province）收詞廣泛，舉凡天文地理、動植物、農事、風土、人情、擬聲相關語詞都收錄，尤其可貴的是俚俗語廣收市井小民用語，有些詞無漢字，所以出現許多有音無字的詞目及俚俗語。本辭典蘊涵豐富的客家文化知識，俗諺語只是其中的一部分。 《百年客諺客英解讀》整理譯注近百年前《客英大辭典》（1926年版）所收錄的850餘則客家俗諺語，書中每則俗諺語主要根據教育部頒定客語規範用字校訂，除了整理原辭典所附的客語拼音及英文釋義外，並進行辭典英文釋義的中文翻譯，中文翻譯有不足之處則增加說明，最後附上參考資料及辭典截圖。本書可作為研究客家文化與客語教學的參考。

作者介紹

作者介紹 彭欽清、黃菊芳／譯注彭欽清國立政治大學西洋語文學系學士，美國加州州立大學英文碩士。曾任國立政治大學英文系助教、講師、副教授及民族系碩博班客家文化專題老師。曾發表《客英大辭典》相關論文多篇。黃菊芳國立中央大學客家語文暨社會科學學系副教授。學士、碩士、博士均畢業於國立政治大學中國文學系。曾任中央研究院語言學研究所博士後研究人員。發表多篇客家文學與客語研究論文。著有《台灣客家民間敘事文學：以渡台悲歌與渡子歌為例》、《過去恁多年做毋得講个事情：講還我母語運動》。

產品目錄

產品目錄 《海外客家研究叢書》總序 蕭新煌 〈推薦序〉 客家文化與客家精神 羅肇錦 重整舊資產，覓先人智慧 鍾榮富 序 彭欽清 導言 彭欽清、黃菊芳 編輯體例 859則客諺 後記 參考文獻 筆劃索引 音標索引

商品規格

試閱文字

推薦序 : 客家文化與客家精神
 
國立中央大學客家語文暨社會科學學系榮譽教授
羅肇錦
 
民間文學係該民族最重要个精神文化遺產，保留該民族最完整最深入个生活特質。故所，保留民間文學就係延續民族歷史文化命脈个盡基礎工作。像十八世紀芬蘭從瑞典獨立出來，抑係德國脫離法國自主自立，靠个就係大力推廣佢本身同統治者無共樣个民族特色文化，將厥个文化特性轉化到日常生活底肚，等到民族覺醒，了解自家同人無共樣，愛做自家个主人，自然就會團結奮命去爭取自家个主體文化，建立獨立个國家。𠊎恁樣講民間文學个重要，毋係鼓勵客家愛獨立建國，𠊎係想借這个歷史事實，來分大家了解民間文學對一個族群个影響力，從事客家文化工作个人，做毋得毋知民間文學有恁深層个意義。
照恁仔講來，客家文學之中，目前第一要緊个係，從客家民間文學肚項，分析出客家文化歷史个精神元素，分各地客家人去了解，分各級政府單位去推廣宣傳，漸漸仔，客家人正會知佢愛認同个係麼个，別族群个人正會相賽來支持客家。等大家了解客家文化係麼个欸，客家文化正有永久保存延續个基礎。
另外，客家文學个傳說、故事、神話、詩文、歌曲、戲劇之中，盡輒分人拿來用个係諺語、光語、老古人言，這兜流傳幾下十百年个文化語言，包含盡豐富盡有特色个客話語詞，就係客家歷史文化紀錄肚項最真實最原始个材料。像講到俗忒个「寧賣祖宗田，不賣祖宗言」「寧賣祖宗坑，不賣祖宗聲」無就「逢客（瑤）必住山，逢山必有客（瑤）」，這係瑤畲客歷史以來个傳統諺語，充分講出瑤畲客長年以來就係歇在山項个民族。因爭「刀耕火種」个生活逼著，不得不搬來徙去，故所歇个所在無重要，重要个係祖宗个「話」同「聲」做毋得攉忒。 經過長遠个歷史流傳，感受著自家文化精神主體係「山」，大家愛用語言做客家文化傳代个第一條件，故所正會流傳下來恁樣个諺語。
《客英大辭典》，蒐集一般客話詞彙以外，還特別收錄八百零條客家話底肚，盡有特色个諺語，彭欽清、黃菊芳兩位教授，用佢兜純熟个客語、英語、漢文專才，詳細分析解讀這兜諺語留下來个客人生活肚个秘密。像「龍身係好，愛在狗肚裹」（283），這句諺語係流傳在大潮州地區，抑係瑤畲客盤瓠（狗頭王）發源地，不管《盤瓠歌》个鳳凰山，歷史文獻个羅浮山、蓮花山，到後期三山國王、三王公、將軍摎忠犬、十八王公，再轉化到今晡日客人崇拜祖先、伯公龍神，全部就同大潮州瑤畲客盤瓠信仰有關。故所一句「龍身係好，愛在狗肚裹」做得看出恁多客家歷史个秘密。可見諺語个收集係一等重要个工作， 當然解讀諺語个能力也愛好好培養，這本《百年諺語客英解讀》就係一个盡好个典範。
其他像「食係人膽，著係人威」（545）、「食兩隻黃豆就愛變仙」（547）（臺灣流行个係「食兩粒黃豆仔，就愛學人上西天」）、「食毋窮，使毋窮，打算毋著一世窮」（548）、「食上食下食自家」（551）、「食大麥糜，講皇帝話」（555）、「食煙人行多路」（559）、「好漢毋食六月莧」（102）、「食田刀，屙鐵鉔」（557）……。樸樸實實紀錄客家人个生活哲學同生活態度。多想一下就了解客人對人態度有幾多斤重就講幾多斤話，多看一下就知客家人做事穩重毋會虛假誇口，這就係諺語值得好好解讀傳揚个所在。
接等來看這本諺語解讀个貢獻同較無完整个部分。首先係一句諺語，尋出當多各地無共樣講法，像「泥蛇一畚箕都閒情」（353）同時收集「泥蛇一糞箕，毋當一條草花蛇（徐運德）」、「一畚箕泥蛇仔毋當一尾傘仔節（楊兆禎）」、「泥蛇一畚箕，唔當飯匙衝一尾（涂春景）」、「泥蛇一畚箕，毋當一尾青竹絲（羅肇錦）」，充分顯現民間文學个「變異性」，各地各家講法有兜仔無共樣，正係真正个民間文學，正表現地方性差別个所在。另外像「男人嘴闊食四方，女人嘴闊（食爺娘）（食虧郎）（食嫁妝）（食劊郎）」（355、366）這位批評女人嘴闊有四種無好个光景。不管「食爺娘、食虧郎、食嫁妝、食劊郎」全全係無好个字眼，比對男人嘴闊「食四方」，十足表現客家社會係男女不平等，正會有差恁多个比論。這也係「變異性」可貴个所在。
當然解讀當中有兜諺語解析有無麼完整。像「食田刀，屙鐵鉔」（557）解讀全文不管中文抑係英文，全部無解釋清楚。像「𠢕心臼毋怕惡家娘」（380），這位个「𠢕」（音ngau5），應該係借學老話來用，可惜解讀無點出這个關鍵。再過像「好漢毋食六月莧」（102），解讀該下，用英文翻譯變到「壯丁避免吃六月菠菜」，這位將「莧菜」講到「菠菜」（spinach）。有異多人在網站講「菠菜源自尼泊爾音polinga，官話譯為菠菜，閩語譯為飛龍菜（poling），客家人譯為角菜（ga）」，可見「莧菜」做毋得翻譯「菠菜」。
這本《客英大辭典》係1926 年出版，到今會兼歸百年久。這百年間，客人從大潮州徙到臺灣，經過時代變化、社會變化、生活變化、記載方式變化。今晡日倒轉來看當時个詞彙，可能會有異多解毋出注毋準个地方，使用起來無麼个方便。好在彭欽清、黃菊芳教授發揮精深个中英客話能力，整理出這本《百年客諺客英解讀》分大家方便了解客家諺語同客家精神。這係臺灣客家个福氣，希望這本諺語解讀，做得將部分客家精神文化，推廣分社會大眾，共下來思考客家話，客家文化、客家精神到底係麼个？

試閱文字

內文 : 2. 阿鵲教烏鷯
1-2 鴉鵲教烏鷯
︱校訂︱阿鵲教烏鷯
︱辭典客語拼音︱ a siak kau vu liau3
︱辭典英文釋義︱ one ass calls another jackass.
︱中文翻譯︱一個傻瓜叫另外一個為笨蛋。
︱說明︱ 阿鵲，臺灣客語也稱「山阿鵲」，叫聲單調；烏鷯，類似八哥，叫聲婉轉，善於模仿其他鳥類及動物叫聲。臺灣客語有「阿鵲教烏鷯，教到蹦蹦跳」之說，意指本身條件不如人，卻要他人學自己，別人學不來，就氣得跳腳。另外，「ass」和「 jackass」英文俗語都有傻瓜、笨蛋的意思。就有「五十步笑百步」的意思。即英文的“The pot calls the kettle black.”（鍋嫌壺黑）。
︱參考資料︱
《教育部臺灣客家語常用詞辭典試用版》「阿鵲教烏鷯，教到腳跳啊跳」條，釋義為「喜鵲教八哥學說話本事，自己不會卻硬要教別人，結果把走路教成一跳一跳的：用以諷刺學藝不精而開業授徒的人。」
 
3. 鴉有反哺之誼
2-1 鴉有反哺之誼
︱辭典客語拼音︱ a yu fan2 phu2 tsii ni2
︱辭典英文釋義︱ the raven nourishes its aged parent.
︱中文翻譯︱烏鴉會供養年老的父母。
︱說明︱ 《增廣賢文》：「羊有跪乳之恩，鴉有反哺之義」。
︱參考資料︱
《教育部重編國語辭典修訂本》「反哺」詞條的解釋：「烏鴉長大後，會啣食餵養母烏鴉。比喻子女成長後奉養父母，報答親恩。」
  
5. 挨礱牽鋸，有食懶去
3-1 挨礱牽鋸，有食懶去
︱辭典客語拼音︱ ai lung5 khien ki3, yu shit8 lan khi3
︱辭典英文釋義︱ even hunger scarcely makes men willing to hull rice or to saw wood.
︱中文翻譯︱即使飢餓也很難讓人願意去礱穀和鋸木。
︱說明︱ 「挨礱」是使用土礱將稻穀外殼磨下來；「牽鋸」是鋸巨木，都是辛苦又單調的差事。比喻工作辛苦單調，待遇再好也不吸引人。
︱參考資料︱
黃永達《臺灣客家俚諺語語典：祖先的智慧》頁270「挨礱牽鋸，有食懶去」條，解釋為「[ 俚俗語] 挨礱精米、拉鋸斷木係又艱苦又無味的工作，就係有好食，也無想要去做。」另有「挨礱牽鋸，丈人老喊毋好去」條，解釋為「[ 俚俗語] 碾米、牽鋸全係儘艱苦的工作，連丈人老吩咐去做，也最好想辦法推忒莫去做較贏，有戲謔之意。」
劉守松《客家人諺語（二）》頁25收錄類似的諺語「挨壟牽鋸，丈人老喊不可去」，其解釋為「丈人老是太太的爸爸，女婿屬於半子，俗云『半分婿郎，半分子』，挨壟牽鋸都是苦差使，儘量避免的意思。」

最佳賣點

最佳賣點 : 本書整理譯注近百年前《客英大辭典》（1926年版）所收錄的850餘則客家俗諺語，可作為研究客家文化與客語教學的參考。

活動

• 5/9前 全站滿$3,000享92折
• 5/9前 全站滿$1,500享93折
• 5/9前 全站滿$5,000享9折