偏南phian-lâm (CD)
| 作者 | 謝銘祐 (Ming-Yo Hsieh) |
|---|---|
| 出版社 | 好有感覺音樂事業有限公司 |
| 商品描述 | 偏南phian-lâm (CD)：偏南,寫的是一粒佇北半球偏南的島嶼佮蹛佇頂頭的人,以及即群人所引發的現象。無錯,偏南講兮著是台灣,猶閣有生活佇島上的台灣人!南方,一直是燒濕、熱情 |
內容簡介
內容簡介 海頭偏南, 寫的是一粒佇北半球偏南的島嶼佮蹛佇頂頭的人, 以及即群人所引發的現象。 無錯, 偏南講兮著是台灣, 猶閣有生活佇島上的台灣人!南方, 一直是燒濕、熱情、好客、浪漫、懶屍、革命、感性、背骨、倔強、蟯蟯趖(ngia̍uh-ngia̍uh-sô) , 一个加加起來的符號, 無法度恬恬坐佇遐, 無法度你叫伊衝啥著衝啥的狡怪囡仔! 坐予好啦! 著是咧講你啦…..好喔! 咱欲來起帆矣…..來, かもめ、かもめ、かもめ（kamome）嘛飛來….海尾台灣人因為地理、氣候、歷史….等等的關係, 發展出一款矛盾、曖昧、舞袂清楚家己、偏南的性格, 即張專輯著是將我的觀察(偷看)化為一首一首的歌, 當作是現階段我對台灣的描畫佮紀錄!專輯內底的音樂, 會出現全世界一寡有南方氣氛的樂器抑是風格, 南歐、南日本、沖繩、南美洲、南洋、北美南、南管、昭和風南移台灣風…, 希望會當和歌結合成一款偏南的時代感!你敢有聽出內底的趣味?出海一回, 勞心勞力, 該歇睏一下矣! 後回…….再說! 「海岸」寫台灣逐日攏咧消失的西南爿沙埔，向內陸縮減的海岸線，寫即粒偏南的島當咧消失佮死去的部分；「偏南風」、「雜菜」這二首寫的是台灣人的面貌佮性格(樣貌及性格) ，會濫誠多偏南的節奏佇內底；「異鄉人」、「我是誰」、「攬入心肝」、「無應的批」是即張專輯的傷痕區，寫過往的時代因為政治受害抑是離散的台灣人，包括黃文雄、湯德章、228受難者及其家屬、黃敏，當然，包括認同問題！ 曲目： 1. 以早í-tsá 04:12 2. 海岸hái-huānn 04:39 3. 我佇山裡guá tī suann-lí 04:03 4. 我是誰guá sī siáng 04:23 5. 異鄉人ī-hiong-lâng 05:25 6. 無應的批bô-ìn ê phue 03:30 7. 攬入心肝lám-ji̍p sim-kuann 05:51 8. 起夢的人khí-bāng ê lâng 04:05 9. 即栫米糕tsit-tshián bí-ko 03:38 10. 囝兮kiánn-e´ 04:33 11. 雜菜tsa̍p-tshài 04:37 12. 牽詩khan-si 03:55 13. 偏南風phian-lâm-hong 04:36 整張專輯時間長度： 57分33秒
商品規格
| 書名 / | 偏南phian-lâm (CD) |
|---|---|
| 作者 / | 謝銘祐 (Ming-Yo Hsieh) |
| 簡介 / | 偏南phian-lâm (CD)：偏南,寫的是一粒佇北半球偏南的島嶼佮蹛佇頂頭的人,以及即群人所引發的現象。無錯,偏南講兮著是台灣,猶閣有生活佇島上的台灣人!南方,一直是燒濕、熱情 |
| 出版社 / | 好有感覺音樂事業有限公司 |
| ISBN13 / | |
| ISBN10 / | |
| EAN / | 4713012746519 |
| 誠品26碼 / | 2682808442008 |
| 語言 / | 17:台語 |
| 尺寸 / | 19x15x2 |
| 級別 / | N:無 |
| 提供維修 / | 無 |
最佳賣點
最佳賣點 : 專輯內底的音樂, 會出現全世界一寡有南方氣氛的樂器抑是風格, 南歐、南日本、沖繩、南美洲、南洋、北美南、南管、昭和風南移台灣風…, 希望會當和歌結合成一款偏南的時代感!